Arivu Arogyam

ജീവിതത്തിൽ നമ്മൾ ഇടയ്ക്കൊക്കെ ഒന്ന് തിരിഞ്ഞ് നോക്കണം. നമ്മുടെ ഭൂതകാലത്തിലൂടെ ഒന്ന് സഞ്ചരിക്കണം. അപ്പോൾ നമുക്ക് മനസ്സിലാകും എവിടെയായിരുന്നു നമുക്ക് സംഭവിച്ച തെറ്റുകളെന്ന്. അത് തിരുത്തി മുന്നോട്ടുപോയാൽ ജീവിതമെത്ര പ്രയാസകര മായാലും നമുക്ക് ചെയ്യാവുന്നതും എല്ലായ്പ്പോഴും വിജയിക്കാവുന്നതുമായ എന്തെങ്കിലുമൊക്കെ ഈ ലോകത്തുണ്ടെന്ന് ബോധ്യമാകും. എപ്പോഴും വികാരങ്ങളേക്കാൾ ബുദ്ധിശക്തിക്ക് പ്രാധാന്യം നല്കുക.പുതിയ പുതിയ ആശയങ്ങൾ മനസ്സിൽ രൂപീകരിക്കുന്നതിന് മുൻപ് സസൂക്ഷ്മം അവയെ അപഗ്രഥിച്ച് പഠിക്കാൻ ശ്രമിക്കുക. നമ്മുടെ മുന്നിൽ തുറന്നു കിടക്കുന്ന അവസരങ്ങൾ വിനിയോഗിക്കുന്നതിന് എപ്പോഴാണോ നമ്മൾ ധൈര്യപൂർവ്വം മുന്നോട്ട് വരുന്നത് അപ്പോഴാണ് നമുക്ക് അതിനുള്ള കഴിവ് ഉണ്ടോ ഇല്ലയോ എന്ന് തിരിച്ചറിയുന്നത്... വലിയ സ്വപ്നങ്ങളുടെ പൂർത്തീകരണം പലപ്പോഴും തോൽവിയിൽ അവസാനിച്ചേക്കാം. അത്തരം അവസ്ഥകളിൽ ആ അനുഭവപാഠങ്ങളിൽ നിന്നും ഊർജ്ജം ഉൾക്കൊണ്ടുകൊണ്ട് അതിജീവിക്കുന്നതിനുള്ള പരിശീലനം നമ്മൾ നേടിയിരിക്കണം... സാഹചര്യങ്ങൾക്ക് അനുയോജ്യമായ തീരുമാനങ്ങൾ എടുക്കുക. അത്തരത്തിലുള്ള തീരുമാനങ്ങൾ എടുക്കുവാൻ നമ്മുടെ മനോഭാവത്തി...

അറിവ് എന്നത് ഒരു കെടാവിളക്ക് ആണ്.പകരും തോറും വർധിക്കുന്ന പ്രകാശം. ഒരു തിരിനാളത്തിൽ നിന്ന് ആയിരം തിരി തെളിച്ചാലും തിരികൾ തെളിക്കാൻ ഉപയോഗിച്ച ആദ്യത്തെ ആ തിരിനാളം ഒരു കുറവും വരാതെ കത്തിത്തന്നെ ഇരിക്കും. ആ തിരിനാളത്തിന്റെ പ്രകാശത്തിന് ഒരു കുറവും വരികയില്ല. അതുപോലെ ആണ് അറിവും.   മനുഷ്യനെ മറ്റു ജീവജാലങ്ങളിൽ നിന്നും വ്യത്യസ്തനാക്കുന്നത് അറിവ് നേടാനുള്ള അവന്റെ കഴിവ് ആണ്. അറിവ് നേടിയില്ല എങ്കിൽ ഒരു മനുഷ്യന് തന്റെ ജീവിതത്തിൽ സംഭവിച്ചേക്കാവുന്ന പിഴവുകൾ നിരവധി ആണ്.വിവരം, അറിവ്, തിരിച്ചറിവ്, ജ്ഞാനം ഒക്കെ നമുക്ക് നേടാം. ഇവ എല്ലാം തമ്മിൽ ബന്ധപ്പെട്ടു കിടക്കുന്നു. എന്നാൽ വ്യത്യാസവും ഉണ്ട്. വിവരം അല്ല അറിവ്, അറിവ് അല്ല ജ്ഞാനം. ഇംഗ്ലീഷ് അർത്ഥം പോലും വ്യത്യാസം ആണ്. വിവരം എന്നതിനു ഇംഗ്ലീഷിൽ 'ഇൻഫർമേഷൻ' എന്നാണ് പറയുക, പക്ഷേ അത് അറിവ് ആകുമ്പോൾ 'നോളെജ്' ആകുന്നു. അറിവുകൾ പല തരത്തിൽ നമുക്ക് നേടാം. വീട്ടിൽ നിന്ന്, വിദ്യാലയങ്ങളിൽ നിന്ന്, സമൂഹത്തിൽ നിന്ന്, അനുഭവങ്ങളിൽ നിന്ന്. അങ്ങനെ നേടുന്ന അറിവ് തിരിച്ചറിവ് ആകുകയും അങ്ങനെ അറിഞ്ഞറിഞ്ഞു അറിവിന്റെ കൊടുമുടികൾ കയറുമ്പോൾ ജ്ഞാനമാകുകയും ചെയ...

2-8-23 ഇന്ന്  കുട്ടിയെ കണ്ടത്തി  ഈ കുട്ടിയെ കണ്ടെത്താൻ വേണ്ടി ഈ പോസ്റ്റ് ഷെയർ ചെയ്ത എല്ലാവർക്കും ഒരിക്കൽ കൂടി നന്ദി പറയുന്നു. ഇനി ഈ പോസ്റ്റ് ആരും ഷെയർ ചെയ്യേണ്ടതില്ല

പ്രചരിക്കുന്നത് വ്യാജവാര്‍ത്തകളെന്ന് പൊലീസ് പീഡന സാധ്യത മനസിലായാല്‍ അക്രമിയെ കൊല്ലാന്‍ പെണ്‍കുട്ടിക്ക് അവകാശമുണ്ടെന്ന രീതിയില്‍ സോഷ്യല്‍മീഡിയയില്‍ പ്രചരിക്കുന്നത് വ്യാജവാര്‍ത്തകളെന്ന് പൊലീസ്. ഡിജിപിയുടെ ഫോട്ടോ ഉപയോഗിച്ചാണ് വ്യാജപ്രചരണം നടക്കുന്നത്. ഇത്തരം വ്യാജവാര്‍ത്തകള്‍ നിര്‍മ്മിക്കുന്നതും പ്രചരിപ്പിക്കുന്നതും കുറ്റകരമാണെന്ന് പൊലീസ് വ്യക്തമാക്കി. ‘ഇന്ത്യന്‍ പീനല്‍ കോഡ് 233 പ്രകാരം ഒരു പെണ്‍കുട്ടി പീഡനത്തിന് ഇരയാവുകയോ, പീഡിപ്പിക്കപ്പെടാന്‍ സാധ്യത ഉണ്ടെന്ന് മനസിലായാല്‍ അക്രമിയെ കൊല്ലാനുള്ള അവകാശം പെണ്‍കുട്ടിക്കുണ്ട്.’ എന്നാണ് സോഷ്യല്‍മീഡിയയില്‍ പ്രചരിക്കുന്നത്. ആലുവയില്‍ അഞ്ചുവയസുകാരി ക്രൂരമായി കൊല്ലപ്പെട്ടതിന് പിന്നാലെയാണ് സോഷ്യല്‍മീഡിയയില്‍ ഇത്തരം പ്രചരണങ്ങള്‍ ആരംഭിച്ചത്.

മൂന്ന് വര്‍ഷത്തിനിടെ കാണാതായത് 13.13 ലക്ഷം സ്ത്രീകളേയും പെണ്‍കുട്ടികളേയും; കേന്ദ്രസര്‍ക്കാര്‍ ന്യൂഡല്‍ഹി: രാജ്യത്ത് 2019നും 21നും ഇടയില്‍ 13.13 ലക്ഷത്തലധികം സ്ത്രീകളെയും പെണ്‍കുട്ടികളെയും കാണാതായതായി കേന്ദ്രസര്‍ക്കാര്‍. ഏറ്റവും കൂടുതല്‍ പേരെ കാണാതായത് മധ്യപ്രദേശില്‍ നിന്നാണ്. രണ്ടാമത് പശ്ചിമബംഗാളാണ്. കഴിഞ്ഞയാഴ്ച പാര്‍ലമെന്റിലാണ് ഇക്കാര്യം കേന്ദ്രസര്‍ക്കാര്‍ അറിയിച്ചത്. ആഭ്യന്തരമന്ത്രാലയത്തിന്റെ കണക്കുകള്‍ പ്രകാരം ഈ മൂന്ന് വര്‍ഷത്തിനിടയില്‍ പതിനെട്ടിന് വയസിന് മുകളിലുള്ള 10,61,648 സ്ത്രീകളേയും 2,51, 430 പെണ്‍കുട്ടികളേയുമാണ് കാണാതായത്. നാഷണല്‍ ക്രൈം റെക്കോര്‍ഡ് ബ്യൂറോയുടെ വിവരങ്ങളുടെ അടിസ്ഥാനത്തിലാണ് കേന്ദ്രസര്‍ക്കാര്‍ കണക്കുകള്‍.  മധ്യപ്രദേശില്‍ 1,60,180 സ്ത്രീകളെയും 38,234 പെണ്‍കുട്ടികളെയുമാണ് കാണാതായതെന്ന് കണക്കുകള്‍ വ്യക്തമാക്കുന്നു. ഇതേ കാലയളവില്‍ പശ്ചിമ ബംഗാളില്‍ നിന്ന് 1,56,905 സ്ത്രീകളെയും 36,606 പെണ്‍കുട്ടികളെയും കാണാതായി. മഹാരാഷ്ട്രയില്‍ 1,78,400 സ്ത്രീകളെയും 13,033 പെണ്‍കുട്ടികളെയും കാണാതായി. കേന്ദ്രഭരണ പ്രദേശങ്ങളില്‍ ഏറ്റവും കൂടുതല്‍ പെണ്‍കുട്ടികളെയും സ്ത്രീകളെ...

സംഘർഷമൊഴിയാതെ മണിപ്പൂർ; സ്കൂളിലേക്ക് പോവുകയായിരുന്ന പന്ത്രണ്ടുകാരിക്ക് വെടിയേറ്റു ഇംഫാൽ: മണിപ്പൂരിൽ വീണ്ടും വെടിവെപ്പ്. വെടിവെപ്പിൽ ക്വാക്ത സ്വദേശിയായ സലിമ (12) എന്ന വിദ്യാർത്ഥിനിക്ക് പരിക്കേറ്റു. സ്കൂളിലേക്ക് പോകുമ്പോഴാണ് പെൺകുട്ടിക്ക് വെടിയേറ്റത്. ബിഷ്ണുപൂർ ജില്ലയിലെ ക്വാക്തയിലാണ് സംഭവം. കുക്കി, മെയ്തി വിഭാഗങ്ങൾ തമ്മിൽ പരസ്പരം വെടിയുതിർക്കുകയായിരുന്നു. ശരീരത്തിന് പുറകിൽ വെടിയേറ്റ കുട്ടി ആശുപത്രിയിൽ ചികിത്സയിലാണ്. റേഡിയന്റ് പബ്ലിക് സ്‌കൂളിലെ മൂന്നാം ക്ലാസ് വിദ്യാർത്ഥിനിയാണ് സലിമ. മണിപ്പൂരിലെ 350 ദുരിതാശ്വാസ ക്യാമ്പുകളിലായി 10,000 കുട്ടികൾ ഉണ്ടെന്നാണ് റിപ്പോർട്ട്. സംസ്ഥാനത്തെ 37 ക്യാമ്പുകളിലായി 1,100 കുട്ടികൾക്ക് വിദ്യാഭ്യാസ വകുപ്പ് പഠനം ഉറപ്പു നൽകുന്നുണ്ട്. അന്താരാഷ്ട്ര സംഘടനയുമായി കൈകോർത്താണ് കുട്ടികൾക്ക് ക്യാമ്പുകളിൽ പഠന സഹായങ്ങൾ ചെയ്തുകൊടുക്കുന്നത്. മണിപ്പൂരിൽ നിന്ന് കുടിയിറക്കപ്പെട്ട 12,600-ലധികം ആളുകൾ മിസോറാമിലേക്ക് എത്തിയിട്ടുണ്ട്. ഇവർക്ക് കേന്ദ്രത്തിൽ നിന്നുള്ള സാമ്പത്തിക സഹായം ലഭിക്കുമെന്നാണ് പ്രതീക്ഷിക്കുന്നതെന്ന് മിസോറാമിലെ മുതിർന്ന ഉദ്യോഗസ്ഥൻ ഞായറാഴ്ച പറഞ്ഞിരു...

ഏഴ് മാസം പ്രായമുള്ള കുഞ്ഞിനെ കൊണ്ടുവന്നത് വയറിന്റെ അസ്വസ്ഥതകൾക്ക്; ഡോക്ടര്‍മാര്‍ കണ്ടെത്തിയത് അപൂർവ രോഗാവസ്ഥ പ്രസവ സമയത്ത് കുട്ടിയുടെ അമ്മ മരണപ്പെട്ടിരുന്നു. ഏഴ് മാസം പ്രായമുള്ള ആണ്‍ കുട്ടിയുടെ ശരീരത്തില്‍ നിന്ന് രണ്ട് കിലോഗ്രാം ഭാരമുള്ള ഭ്രൂണം പുറത്തെടുത്തു. വയര്‍ വേദനയ്ക്ക് ചികിത്സ തേടിയ കുട്ടിയുടെ വയറിനുള്ളിലാണ് ഭ്രൂണം വളരുന്നത് കണ്ടെത്തിയത്. തുടര്‍ന്ന് ശസ്ത്രക്രിയ നടത്തി ഭ്രൂണം പുറത്തെടുക്കുകയായിരുന്നു. ഉത്തര്‍പ്രദേശിലെ സരോജിനി നായിഡു ചിന്‍ഡ്രന്‍സ് ഹോസ്‍പിറ്റലിലാണ് ശസ്ത്രക്രിയ നടത്തിയത്. നാല് മണിക്കൂര്‍ നീണ്ടു നിന്ന ശസ്ത്രക്രിയക്ക് ശേഷം കുട്ടി സുഖം പ്രാപിക്കുന്നതായി ശസ്ത്രക്രിയക്ക് നേതൃത്വം നല്‍കിയ ഡോ. ഡി കുമാര്‍ പറഞ്ഞു. വൈദ്യശാസ്ത്രത്തില്‍ ഫീറ്റസ് ഇന്‍ ഫീറ്റു എന്ന് അറിയപ്പെടുന്ന പ്രതിഭാസമാണിത്. വളരെ അപൂര്‍വമായി മാത്രം കാണപ്പെടുന്ന അവസ്ഥയാണിതെന്നും ഡോക്ടര്‍മാര്‍ പറയുന്നു. ഉത്തര്‍പ്രദേശിലെ പ്രതാപ്ഗര്‍ സ്വദേശിയായ കുട്ടിയുടെ അച്ഛനാണ് ജൂലൈ 24ന് സ്വരൂപ് റാണി നെഹ്റു ഹോസ്പിറ്റലിലെ ഒ.പി വിഭാഗത്തില്‍ കുട്ടിയെ കൊണ്ടുവന്നത്. കുഞ്ഞിന്റെ വയര്‍ വീര്‍ത്തിരിക്കുന്നതും വേദനയുമായിരുന്നു...

പ്രതിക്ക് വധശിക്ഷ കിട്ടണം, പൊലീസിനും സർക്കാരിനുമെതിരെ പരാതിയില്ലെന്നും ആലുവയിലെ അച്ഛൻ ആലുവ: മകളെ പീഡിപ്പിച്ച് കൊലപ്പെടുത്തിയ കേസിൽ കൂടുതൽ പ്രതികളുണ്ടെന്ന് സംശയമുണ്ടെന്ന് അച്ഛൻ. പ്രതിക്ക് മരണ ശിക്ഷ കിട്ടണം എന്നാണ് ആഗ്രഹം. തനിക്കും കുടുംബത്തിനും അത് കാണണം. കേസിൽ കൂടുതൽ പ്രതികൾ ഉണ്ടെങ്കിൽ അവരെ ഉടൻ പുറത്തു കൊണ്ടുവരണം. പ്രതിക്ക് മരണശിക്ഷ കിട്ടിയാലേ കേരളത്തിനും സന്തോഷമുണ്ടാകൂ. തന്റെ മകൾ ഇപ്പോൾ കേരളത്തിന്റെ മകൾ കൂടിയാണ്. സംസ്ഥാന സർക്കാരിനെതിരെയോ പൊലീസിനെതിരെയോ പരാതിയില്ലെന്ന് അദ്ദേഹം പറഞ്ഞു. സംസ്ഥാന സർക്കാരിലും പൊലീസിലും പൂർണ വിശ്വാസമുണ്ട്. തനിക്ക് ആരോടും പരാതിയില്ല. ഈ പ്രതിക്ക് ശിക്ഷ അടക്കം ഉറപ്പാക്കിയ ശേഷമേ നാട്ടിലേക്ക് തിരികെ പോകൂവെന്നും അച്ഛൻ പറഞ്ഞു. അതേസമയം പെൺകുട്ടിയുടെ സംസ്കാര ചടങ്ങിൽ സംസ്ഥാന സർക്കാരിന്റെ പ്രതിനിധികളാരും പങ്കെടുത്തില്ലെന്ന വിമർശനത്തിനിടെ, ഇടതുമുന്നണി കൺവീനർ ഇപി ജയരാജൻ ഇന്ന് കുടുംബത്തെ സന്ദർശിച്ചിരുന്നു. എന്തിനും സർക്കാരിനെയും പൊലീസിനെയും കുറ്റപ്പെടുത്തുന്ന സമീപനം പൊലീസിന്റെ ആത്മവീര്യം ഇല്ലാതാക്കാനേ ഉപകരിക്കൂവെന്ന് അദ്ദേഹം പറഞ്ഞു. ഈ വിഷയം രാഷ്ട്രീയ വത്കരിക്ക...

വീണ്ടും അതിർത്തി കടന്നൊരു പ്രണയകഥ; ഫേസ്ബുക്ക് സുഹൃത്തിനെ വിവാഹം കഴിക്കാൻ ശ്രീലങ്കൻ യുവതി ആന്ധ്രയിൽ വിജയവാഡ: വീണ്ടും അതിർത്തി കടന്നൊരു പ്രണയകഥ. ഫേസ്ബുക്കിലൂടെ പരിചയപ്പെട്ട യുവാവിനെ വിവാഹം കഴിക്കാൻ ശ്രീലങ്കയിൽ നിന്ന് യുവതി ആന്ധ്രാപ്രദേശിലെത്തി. 25-കാരിയായ ശിവകുമാരി വിഘ്‌നേശ്വരിയാണ് 28കാരനായ ലക്ഷ്മണനെ വിവാഹം കഴിക്കാൻ ഇന്ത്യയിലെത്തിയത്. ടൂറിസ്റ്റ് വിസയിലാണ് യുവതി ചിറ്റൂരിൽ എത്തിയത്. ജൂലൈ 20ന് ചിറ്റൂർ ജില്ലയിലെ വി കോട്ടയിലുള്ള ക്ഷേത്രത്തിൽവെച്ച് ഇരുവരും വിവാഹിതരായി. 2017-ലാണ് ഇരുവരും ഫേസ്ബുക്ക് വഴി പരിചയത്തിലായത്. ആറുവർഷമായുള്ള സൗഹൃദം പ്രണയത്തിലെത്തുകയായിരുന്നു. വിഘ്നേശ്വരിയുടെ ടൂറിസ്റ്റ് വിസയുടെ കാലാവധി ഓഗസ്റ്റ് 15ന് അവസാനിക്കും. വിസയുടെ കാലാവധി തീരുന്നതിന് മുമ്പ് രാജ്യം വിടുകയോ അല്ലെങ്കിൽ കാലാവധി നീട്ടിനൽകുന്നതിന് അപേക്ഷിക്കുകയോ ചെയ്യണമെന്ന് കാണിച്ച് ചിറ്റൂർ ജില്ലാ പൊലീസ് വിഘ്നേശ്വരിക്ക് നോട്ടീസ് നൽകി.

എട്ടുവയസുകാരൻ ഡാര്‍ക്ക് വെബില്‍ നിന്നും ഓർഡർ ചെയ്തത് എകെ 47 ; വെളിപ്പെടുത്തി മാതാവ്.   എട്ടുവയസുകാരൻ ഓൺലൈനായി വാങ്ങുന്നത് എകെ 47 ഉൾപ്പെടെയുള്ള അപകടകരമായ വസ്തുക്കളാണ്. വിശ്വാസം വരുന്നില്ല അല്ലേ, കുട്ടിയുടെ മാതാവ് തന്നെയാണ് ഇക്കാര്യത്തെ കുറിച്ച് വെളിപ്പെടുത്തൽ നടത്തിയിരിക്കുന്നത്. നെതർലണ്ട് സ്വദേശിനിയായ ബാർബറ ഗീമെനാണ് ഇത് സംബന്ധിച്ച വെളിപ്പെടുത്തൽ നടത്തിയിരിക്കുന്നത്. താനറിയാതെ ഡാർക്ക് വെബ്ബിൽ നിന്ന് എകെ-47 തോക്ക് ഉൾപ്പടെയുള്ള വസ്തുക്കൾ മകൻ രഹസ്യമായി വാങ്ങുന്നുവെന്നാണ് ബാർബറ പറയുന്നത്. യൂറോന്യൂസിന് നൽകിയ അഭിമുഖത്തിലാണ് ബാർബെറ ഇത് സംബന്ധിച്ച വെളിപ്പെടുത്തൽ നടത്തിയിരിക്കുന്നത്. മകൻ കമ്പ്യൂട്ടറിൽ കൂടുതൽ സമയം ചെലവഴിച്ചു തുടങ്ങിയതാണ് എല്ലാത്തിനും കാരണമെന്നും ചെറുപ്രായത്തിൽ തന്നെ അവൻ ഹാക്കിങ് പഠിച്ചുവെന്നും അവർ ചൂണ്ടിക്കാട്ടുന്നു. ഇതു വഴി പണം നൽകാതെ വസ്തുക്കൾ വാങ്ങാനും പഠിച്ചു. തുടക്കത്തിൽ പിസ പോലുള്ളവയായിരുന്നു ഓർഡർ ചെയ്തിരുന്നത്. എന്നാൽ ക്രമേണ കാര്യം വഷളായി. മോശം സ്വഭാവമുള്ളവരുമായി അവൻ ഓൺലൈൻ ഗെയിമുകളിലൂടെ സംവദിക്കാൻ തുടങ്ങി. അമ്മ വരുന്ന വിവരം രഹസ്യ ഭാഷയിലാണ് അവരെ അറിയിക്കുക. ...

ഐസിയു പീഡനക്കേസ്; ജീവനക്കാരുടെ സസ്പെന്‍ഷന്‍ പിന്‍വലിച്ചതില്‍ തെളിവെടുപ്പ് കോഴിക്കോട് : കോഴിക്കോട് മെഡിക്കല്‍ കോളജ് ഐസിയുവിലെ പീഡനക്കേസില്‍ മെഡിക്കല്‍ വിദ്യാഭ്യാസ വകുപ്പ് രൂപീകരിച്ച അന്വേഷണ സമിതി തെളിവെടുപ്പ് നടത്തും. പരാതിക്കാരിയുടെ മൊഴി പിൻവലിക്കാൻ സമ്മര്‍ദം ചെലുത്തിയ ജീവനക്കാരുടെ സസ്പെൻഷൻ പിൻവലിച്ചതിനെകുറിച്ചാണ് അന്വേഷണം. ആരോഗ്യ വകുപ്പോ ഡിഎംഇയോ അറിയാതെയാണ് ജീവനക്കാരുടെ സസ്പെൻഷൻ പിൻവലിച്ചത്. സസ്പെൻഷൻ പിൻവലിച്ച ഉത്തരവ് പിന്നീട് ആരോഗ്യവകുപ്പ് റദ്ദാക്കിയിരുന്നു. പരാതിക്കാരിയോടും ഇന്ന് മെഡിക്കല്‍ കോളേജ് പ്രിൻസിപ്പള്‍ ഓഫീസില്‍ ഹാജരാകാൻ ആവശ്യപ്പെട്ടിട്ടുണ്ട്. പ്രതി ശശീന്ദ്രന്റെ ജാമ്യം റദ്ദാക്കണമെന്നും സ്വാധീനിക്കാൻ ശ്രമിച്ച ആശുപത്രി ജീവനക്കാര്‍ക്കെതിരെ നടപടി വേണമെന്നുമാണ് പരാതിക്കാരിയുടെ ആവശ്യം. 

സ്നേഹിക്കാന്‍ ഒരു പങ്കാളിയെ കിട്ടുന്നില്ലെ ; എഐ പരിഹാരം കാണും; പുത്തന്‍ സംഭവം ഇങ്ങനെ.   നിങ്ങളുടെ സ്വപ്ന പങ്കാളിയെ രൂപപ്പെടുത്താനൊരവസരം കിട്ടിയാൽ എങ്ങനെയിരിക്കും ? സംഭവം കൊള്ളാമല്ലേ. എങ്കിൽ അവസരമുണ്ട്. എഐയാണ് ഇതിനുള്ള അവസരമൊരുക്കുന്നത്. സിലിക്കൺ വാലി ആസ്ഥാനമായി പ്രവർത്തിക്കുന്ന ആൻഡ്രീസെൻ ഹൊറോവിറ്റ്‌സ് ( a16z എന്ന് വിളിക്കപ്പെടുന്നു) എന്ന കമ്പനിയുടെ ഒരു പ്രോജക്ടിന്റെ ഭാഗമായാണ് അവസരം ഒരുങ്ങുന്നത് . വ്യത്യസ്‌ത വ്യക്തിത്വങ്ങളും പശ്ചാത്തലങ്ങളുമുള്ള "എഐ പങ്കാളിയെ" എങ്ങനെ നിർമ്മിക്കാമെന്ന് വിശദീകരിക്കുന്ന ഒരു ഗൈഡ് കമ്പനി ഗിറ്റ്ഹബിൽ ഷെയർ ചെയ്തിട്ടുണ്ട്. നിങ്ങളുടെ പാർട്ണറുടെ പശ്ചാത്തലം എഴുതുകയും അവർ ഉപയോഗിക്കുന്ന എഐ മോഡൽ തിരഞ്ഞെടുക്കുകയും ചെയ്യുന്നതിലൂടെ നിങ്ങൾക്ക് ആവശ്യമുള്ളതുപോലെ പാർട്ണറെ രൂപപ്പെടുത്താൻ കഴിയുമെന്ന് കമ്പനി പറയുന്നു. പ്രൊജക്ട് ഡവലപ്പർമാർക്ക് പരീക്ഷണം നടത്താൻ ഉദ്ദേശിച്ചുള്ളതാണെങ്കിലും, നിരവധി സാങ്കേതിക തത്പരരും തങ്ങളുടെ മികച്ച ഡിജിറ്റൽ പങ്കാളിയെ നേടാനുള്ള ആശയത്തെക്കുറിച്ച് ഉള്ള തിരച്ചിലിലാണ്. ചില ആളുകൾ പ്രണയബന്ധങ്ങളെ കുറിച്ച് സെർച്ച് ചെയ്യാൻ എഐ ഉപയോഗിക്കുമെ...

സ്മാർട് വാച്ചുകള്‍ക്കു വെല്ലുവിളി ഉയര്‍ത്തി സ്മാര്‍ട് മോതിരം; വാങ്ങാനൊരുങ്ങുന്നവർ ഈ കാര്യം ശ്രദ്ധിക്കണം.   പരമ്പരാഗത വാച്ചുകളെ മറികടന്ന് സ്മാർട് വാച്ചുകള്‍ എത്തിയതോടെ ആരോഗ്യ പരിപാലനത്തിലെ ഒരു പുതുയുഗം ആരംഭിക്കുകയായിരുന്നു. സ്മാർട് ബാന്‍ഡുകളും സ്മാര്‍ട്ട് വാച്ചുകളും കളം നിറഞ്ഞാടി. ഇപ്പോഴിതാ ഹെല്‍ത്ത് മോണിട്ടറിങിനായി പുതിയൊരു ഉപകരണവും എത്തിക്കഴിഞ്ഞു-സ്മാര്‍ട്ട് മോതിരം. ഈ ഉപകരണങ്ങള്‍ക്ക് ഉപഭോക്താവിന്റെ ആരോഗ്യം സംബന്ധിച്ച പല വിവരങ്ങളും സൂക്ഷ്മമായി ശേഖരിക്കാന്‍ സാധിക്കും. ചില സ്മാര്‍ട്ട് റിങ് മോഡലുകളിൽ എന്‍എഫ്‌സി പോലുള്ള നൂതന സംവിധാനം ഉപയോഗപ്പെടുത്തിയിട്ടുണ്ട്. കോണ്ടാക്ട്‌ലെസ് പേമെന്റ് നടത്താന്‍ ഇത് സഹായിക്കും.  മികച്ച റിങിന് നല്ല വില നല്‍കണം സ്മാര്‍ട്ട് ബാന്‍ഡിനെ വേണമെങ്കില്‍ സ്മാര്‍ട്ട് വാച്ചിന്റെ ചെറിയ പതിപ്പെന്നു വിളിക്കാം. അതുപോലെ സ്‌ക്രീനില്ലാത്ത സ്മാര്‍ട്ട് ബാന്‍ഡ് എന്ന വിവരണം സ്മാര്‍ട്ട് മോതിരത്തിനും ചേരും. ഒരു ഫിറ്റ്‌നസ് ട്രാക്കറില്‍ നിന്നു പ്രതീക്ഷിക്കുന്ന ഫീച്ചറുകളെല്ലാം തന്നെ ഈ മോതിരത്തിലും ലഭിക്കും. മികച്ച സ്മാര്‍ട്ട് മോതിരങ്ങള്‍ക്ക് നല്ല വിലയും നല്‍കേണ്...

മൈസൂരു- നഞ്ചൻകോട് ദേശീയപാതയിൽ മലയാളികളുടെ കാർ തടഞ്ഞ് കവർച്ച ബെംഗളൂരു: മലയാളികൾ സഞ്ചരിച്ച കാർ തടഞ്ഞു നിർത്തി പണവും സ്വർണാഭരണങ്ങളും കവർച്ച ചെയ്തു. മൈസൂരു- നഞ്ചൻകോട് ദേശീയപാതയിൽ കഴിഞ്ഞ ദിവസം രാത്രിയാണ് സംഭവം. കോഴിക്കോട് സ്വദേശിനിയായ ജയശ്രീ, രണ്ട് മകൾ എന്നിവർ സഞ്ചരിച്ച കാർ തടഞ്ഞു നിർത്തി കത്തി കാട്ടിയാണ് കവർച്ച നടത്തിയത്. എട്ടംഗ സംഘമാണ് കവർച്ച നടത്തിയത്. കാറിൽ നാട്ടിൽ നിന്നും കർണാടാകയിലേക്ക് മടങ്ങുകയായിരുന്നു ജയശ്രീയും കുടുംബവും. നഞ്ചൻകോട് കോഴിക്കോട് റൂട്ടിൽ രാത്രി കാലങ്ങളിൽ മലയാളി വാഹനങ്ങൾ തടഞ്ഞു നിർത്തി കവർച്ച ചെയ്ത സംഭവങ്ങൾ നേരത്തേയും റിപ്പോർട്ട് ചെയ്യപ്പെട്ടിട്ടുണ്ട്.

പ്രായപൂര്‍ത്തിയാകാത്ത പെണ്‍കുട്ടിക്ക് കള്ള് നല്‍കി; ഷാപ്പിന്റെ ലൈസന്‍സ് റദ്ദാക്കി തൃശൂര്‍: പ്രായപൂര്‍ത്തിയാകാത്ത പെണ്‍കുട്ടിക്ക് കള്ള് നല്‍കിയ സംഭവത്തില്‍ ഷാപ്പിന്റെ ലൈസന്‍സ് റദ്ദാക്കി. പറവൂര്‍ സ്വദേശി രവീന്ദ്രന്റെ ഉടമസ്ഥതയിലുള്ള വാടാനപ്പള്ളി തമ്പാന്‍കടവ് കള്ള് ഷാപ്പിന്റെ ലൈസന്‍സാണ് റദ്ദാക്കിയത്. ഈ മാസം രണ്ടിന് ആണ്‍ സുഹൃത്തിനൊപ്പമെത്തിയ ഷാപ്പിലെത്തിയ 15 കാരിക്ക് കള്ള് വിതരണം ചെയ്തതാണ് നടപടിക്കിടയാക്കിയത്. സംഭവത്തില്‍ ഷാപ്പ് മാനേജരേയും ആണ്‍സുഹൃത്തിനെയും പോലീസ് അറസ്റ്റ് ചെയ്തിരുന്നു. നന്ദിക്കര സ്വദേശി സുബ്രഹ്മണി, ഷാപ്പ് മാനേജര്‍ ബിനോജ് എന്നിവരാണ് അറസ്റ്റിലായത്. ഇരുവരും റിമാന്‍ഡിലാണ്. പോലീസ് റിപ്പോര്‍ട്ടിന്റെ അടിസ്ഥാനത്തിലാണ് എക്സൈസ് ലൈസന്‍സ് റദ്ദാക്കിയത്.

രാത്രി കാലങ്ങളില്‍ പ്രേതരൂപത്തില്‍ കാറോടിച്ച് ആളുകളെ പേടിപ്പിക്കുന്ന സ്ത്രീ പിടിയില്‍ പ്രേതരൂപത്തില്‍ വസ്ത്രം ധരിച്ചത്തിയ സ്ത്രീയെ പിടികൂടി. മലയാറ്റൂര്‍ അടിവാരത്ത് നിന്നാണ് പിടികൂടിയത്. പ്രേതരൂപത്തില്‍ വസ്ത്രം ധരിച്ചെത്തിയ സ്ത്രീ രാത്രികാലങ്ങളില്‍ ആളുകളെ ഭീതിയിലാക്കിയിരുന്നു. പ്രേതരൂപത്തില്‍ കാറോടിച്ചെത്തുകയും പൊതു ഇടങ്ങളില്‍ രാത്രികാലങ്ങളില്‍ കാര്‍ പാര്‍ക്ക് ചെയ്ത ആളുകളെ ഭീതിയിലാക്കുകയും ചെയ്തിരുന്ന സ്ത്രീയാണ് പിടിയിലായത്. കാലടിയിലും സമീപപ്രദേശങ്ങളിലും പ്രേതരൂപത്തില്‍ എത്തിയ സ്ത്രീ ആളുകളെ ഭീതിയിലാക്കിയിരുന്നു. മലയാറ്റൂര്‍ അടിവാരത്ത് പ്രേതരൂപത്തില്‍ വസ്ത്രം ധരിച്ച് എത്തിയതോടെ ആളുകള്‍ പിടികൂടി പോലീസില്‍ ഏല്‍പ്പിച്ചു. വെള്ളക്കാറില്‍ വെള്ള വസ്ത്രം ധരിച്ച് മുഖത്ത് തുണി ചുറ്റിയാണ് ഇവര്‍ രാത്രികാലങ്ങളില്‍ പുറത്തിറങ്ങിയിരുന്നത് മാനസിക പ്രശ്നങ്ങള്‍ ഉണ്ടോ എന്നും പോലീസ് പരിശോധിക്കുന്നുണ്ട്.

നിരീക്ഷണ ക്യാമറകളെയും കബളിപ്പിച്ച് പായുന്ന വാഹനങ്ങളെ കണ്ടെത്താന്‍ ഇന്റര്‍സെപ്റ്റര്‍ വാഹനങ്ങള്‍ നിരീക്ഷണ ക്യാമറകളെയും കബളിപ്പിച്ച് പായുന്ന വാഹനങ്ങളെ കണ്ടെത്താന്‍ മോട്ടോര്‍ വാഹനവകുപ്പിന്റെ ഇന്റര്‍സെപ്റ്റര്‍ വാഹനങ്ങള്‍ തയ്യാറായി. നിലവിൽ ഇത്തരത്തിൽ നാല് വാഹനങ്ങളാണ് ഇതിനായി ഉപയോഗിക്കുന്നത് ‘സേഫ് കേരള’ പദ്ധതിയിലുള്‍പ്പെടുത്തി ക്യാമറ ഘടിപ്പിച്ച വാഹനങ്ങളാണ് ഇപ്പോൾ സംസ്ഥാനത്ത് ഓടിത്തുടങ്ങിയിരിക്കുന്നത്.  നിര്‍മിതബുദ്ധിയുള്ള ക്യാമറകള്‍ എങ്ങനെയാണോ പിഴയീടാക്കാനുള്ള നടപടികള്‍ സ്വീകരിക്കുന്നത് അതേ മാതൃകയിലാണ് ഇന്റര്‍സെപ്റ്റര്‍ വാഹനങ്ങളും പിഴ ഈടാക്കുന്നത്. മാത്രമല്ല വാഹനങ്ങളെ തടഞ്ഞു നിർത്തി പിഴ ഈടാക്കില്ല. ഓരോ വിഭാഗങ്ങളിൽപ്പെട്ട റോഡുകളിൽ നിർണയിച്ചിരിക്കുന്ന വേഗ പരിമിതി അനുസരിച്ചാണ് പിഴയീടാക്കുന്നത്. റോഡില്‍ ഇന്റര്‍സെപ്റ്റര്‍ വാഹനം നിര്‍ത്തിയിട്ടശേഷം മറ്റു വാഹനങ്ങളെ നിരീക്ഷിച്ച് ശേഷം വേഗപരിധി കടന്ന വാഹനങ്ങളുടെ ക്യാമറ ദൃശ്യങ്ങള്‍ പകര്‍ത്തി തിരുവനന്തപുരത്തെ കേന്ദ്രീകൃത കണ്‍ട്രോള്‍ റൂമിലേക്ക് അയക്കും, തുടർന്ന് ഇവിടെനിന്ന് അതത് ജില്ലാ കണ്‍ട്രോള്‍ റൂമിലേക്ക് നിയമലംഘനദൃശ്യങ്ങള്‍ കൈമാറും. ശ...

ഓഗസ്റ്റ് ഒന്നിനും രണ്ടിനും സംസ്ഥാന വ്യാപക ഭക്ഷ്യസുരക്ഷാ ലൈസന്‍സ് പരിശോധന;ഇല്ലെങ്കിൽ നടപടിയെന്ന് മന്ത്രി ഭക്ഷ്യ സുരക്ഷാ വകുപ്പിന്റെ നേതൃത്വത്തില്‍ ഓഗസ്റ്റ് ഒന്നിനും രണ്ടിനും സംസ്ഥാന വ്യാപകമായി ഓപ്പറേഷന്‍ ഫോസ്‌കോസ്  ലൈസന്‍സ് ഡ്രൈവ് 2023 എന്ന പേരില്‍ സ്ഥാപനങ്ങളുടെ ലൈസന്‍സ് പരിശോധനകള്‍ നടത്തുമെന്ന് ആരോഗ്യ വകുപ്പ് മന്ത്രി വീണാ ജോര്‍ജ്. മുഴുവന്‍ ഭക്ഷ്യ സംരംഭകരെയും ഭക്ഷ്യ സുരക്ഷാ ലൈസന്‍സ് പരിധിയില്‍ കൊണ്ടുവരികയാണ് ഇതിലൂടെ ലക്ഷ്യമിടുന്നത് സംസ്ഥാനത്ത് ഭക്ഷ്യ സുരക്ഷ ഉറപ്പാക്കാന്‍ എല്ലാവരുടേയും സഹകരണം ആവശ്യമാണെന്നും മുഴുവന്‍ ഭക്ഷ്യ സ്ഥാപനങ്ങളും അവരുടെ വരുമാന പരിധിയനുസരിച്ച് രജിസ്‌ട്രേഷനോ ലൈസന്‍സോ ഉറപ്പ് വരുത്തണമെന്നും മന്ത്രി പറഞ്ഞു. ഭക്ഷ്യ സുരക്ഷാ ലൈസന്‍സ് ഇല്ലാതെ ഭക്ഷ്യസംരംഭങ്ങള്‍ നടത്തുന്നവര്‍ക്കെതിരെ ഭക്ഷ്യസുരക്ഷാ ഗുണനിലവാര നിയമപ്രകാരമുള്ള നടപടികള്‍ സ്വീകരിക്കുമെന്നും മന്ത്രി വ്യക്തമാക്കി. നിരവധി കച്ചവട സ്ഥാപനങ്ങള്‍ ലൈസന്‍സ് എടുക്കുന്നതിനു പകരം രജിസ്‌ട്രേഷന്‍ മാത്രം എടുത്ത് പ്രവര്‍ത്തിക്കുന്നതായി പരിശോധനകളില്‍ കണ്ടെത്തിയതിന്റെ അടിസ്ഥാനത്തിലാണ് ലൈസന്‍സ് പരിശോധനകള്‍ കര്‍ശനമാക്കി...

45 ദിവസം കൊണ്ട് നാലുകോടി രൂപ; തക്കാളി വിറ്റ് കോടീശ്വരനായി ആന്ധ്ര കർഷകൻ തക്കാളി വിറ്റ് കോടീശ്വരനായി ആന്ധ്രയിലെ കർഷകൻ. വെറും 45 ദിവസം കൊണ്ട് 4 കോടി രൂപയാണ് ചിറ്റൂരിലെ ചന്ദ്രമൗലി എന്ന കർഷകൻ നേടിയത്. ഏപ്രിൽ ആദ്യ വാരമാണ് തൻ്റെ 22 ഏക്കർ കൃഷിയിടത്തിൽ ചന്ദ്രമൗലി തക്കാളി വിതച്ചത്. ജൂൺ അവസാനത്തോടെ വിളവെടുക്കാനായി. കർണാടകയിലെ കോലാർ ചന്തയിലാണ് ചന്ദ്രമൗലി തക്കാളികൾ വിറ്റത്. 15 കിലോയുള്ള ഒരു പെട്ടി തക്കാളിക്ക് ഇവിടെ 1000 മുതൽ 1500 രൂപ വരെ ലഭിക്കും. ഇത്തരത്തിൽ 45 ദിവസം കൊണ്ട് 40,000 പെട്ടികളാണ് ചന്ദ്രമൗലി വിറ്റത്.ആകെ കൃഷി ചെയ്യാൻ ചെലവായത് ഒരു കോടി രൂപയാണ് എന്ന് ചന്ദ്രമൗലി പറയുന്നു. നാല് കോടി രൂപ ആകെ ലഭിച്ചു. അപ്പോൾ ലാഭം 3 കോടി രൂപയാണ് എന്നും അദ്ദേഹം പറഞ്ഞതായി ഇന്ത്യ ടുഡേ റിപ്പോർട്ട് ചെയ്യുന്നു.

പോരാട്ടവീര്യം നിലനിർത്താനുള്ള ഏകമാർഗം എതിരാളികൾ ഉണ്ടാകുക എന്നതാണ്. മത്സരമോ പന്തയമോ ഇല്ലാതെ നിൽക്കുന്ന കുതിരയ്ക്ക് എത്രനാൾ മത്സരക്ഷമത നിലനിർത്താനാകും?ഒരുകാലത്തും ഒന്നിനോടും മത്സരിക്കാത്തവരിൽ സ്വയം സമ്മാനിക്കുന്ന അലസത മാത്രമാകും ബാക്കിയാവുക.  കേടുകൂടാതെ ഇരിക്കുന്നതിലല്ല, കരുത്തോടെ വ്യാപരിക്കുന്നതിലാണ് കാര്യം. പ്രസരിപ്പ് നിലനിർത്തണമെങ്കിൽ നിരന്തര പരീക്ഷണങ്ങളും നിലയ്ക്കാത്ത പ്രതിവിധികളും നിർബന്ധം.  ആലസ്യത്തിന്റെ തടാകത്തിൽ നീന്തിക്കളിച്ചു നടന്നാൽ ആഴിയുടെ തരംഗങ്ങളെ ചെറുക്കാനാകില്ല. വില്ലനാകണമെന്നില്ല, വെല്ലുവിളിയൊന്ന് ഏറ്റെടുത്താൽ മതി, ജീവിതവും അനുഭവവും മാറുന്നതു കാണാം. ആർക്കും ഇരുമ്പിനെ നശിപ്പിക്കാൻ കഴിയില്ല, പക്ഷെ സ്വയം തുരുമ്പ് വന്നു കേടാവാൻ കഴിയും. അതുപോലെ ആർക്കും ഒരു വ്യക്തിയെ നശിപ്പിക്കാൻ കഴിയില്ല എന്നാൽ സ്വയം മാനസികാവസ്ഥക്ക് അയാളെ നശിപ്പിക്കാൻ സാധിക്കും ഒരു കർമം ആത്മീയമാണോ എന്നറിയാനുള്ള ആദ്യമാർഗം അത് അപരനന്മയും കൂടി ലക്ഷ്യമിടുന്നുണ്ടോ എന്നു പരിശോധിക്കുകയാണ്.,സ്വന്തം സംതൃപ്തിയും സമാധാനവും മാത്രം ലക്ഷ്യം വയ്ക്കുന്നവർ ആനന്ദജീവിതത്തിനുടമകളാകും.  അയൽക്കാരനെയും ക...

കണ്ണൂരിലെ 'ബ്ലാക്ക് മാൻ' സിസി ടിവിയിൽ; ഇത്തവണ പുതിയ 'ഭയപ്പെടുത്തൽ' രീതികൾ കണ്ണൂ‍‍ർ‌: കണ്ണൂർ ചെറുപുഴയിൽ നാട്ടുകാരെയും പൊലീസിനെയും വെല്ലുവിളിച്ച 'ബ്ലാക്ക് മാൻ' സിസി ടിവിയിൽ. ഇന്നലെ രാത്രി  പ്രാപ്പൊയിലിലെ ഒരു വീടിൻറെ ചുമരിൽ ചിത്രം വരയ്ക്കുന്നതിന്റെ ദൃശ്യങ്ങളാണ് സിസി ടിവിയിൽ പതിഞ്ഞത്. തുണികൊണ്ട് ശരീരം മൂടിയ നിലയിലുള്ള അജ്ഞാതനെയാണ് ദൃശ്യങ്ങളിൽ കാണുന്നത്. കഴിഞ്ഞ ദിവസം പ്രദേശത്തെ നിരവധി വീടുകളിൽ കരി കൊണ്ട് ബ്ലാക്ക് മാൻ എന്ന് എഴുതിയിരുന്നു. രാത്രിയിൽ ഇറങ്ങുന്ന അജ്ഞാതനായി പൊലീസും നാട്ടുകാരും തെരച്ചിലിലാണ്. വീടുകളുടെ ചുമരുകളിൽ കരി കൊണ്ട് എഴുതിയും ചിത്രം വരച്ചുമാണ് ബ്ലാക്ക് മാന്റെ പുതിയ 'ഭയപ്പെടുത്തൽ' രീതി. അർധരാത്രി കതകിൽ മുട്ടി ഓടി മറയുന്ന അജ്ഞാതനെ തിരയുമ്പോഴാണ് എഴുത്തും വരയും ശ്രദ്ധയിൽപ്പെടുന്നത്. വീട്ട് ചുമരുകളിൽ വിചിത്ര രൂപങ്ങൾ, ബ്ലാക്ക് മാനെന്ന് അക്ഷരം തെറ്റിയും തെറ്റാതെയും എഴുത്തുകൾ. കരി കൊണ്ട് വരച്ച ചിത്രങ്ങൾ. വീടുകളിലെത്തി കതകിലും ജനലിലും മുട്ടി പേടിപ്പിക്കലായിരുന്നു കഴിഞ്ഞ ദിവസം വരെ. ചുമരിൽ കൈയടയാളം പതിപ്പിച്ചും സ്ഥലം വിടും. അതവസാനിച്ചെന്ന് കര...

പകല്‍, ബസില്‍ സഞ്ചരിച്ച്‌ ടെറസിന് മുകളില്‍ വസ്ത്രങ്ങള്‍ ഉണക്കാന്‍ ഇട്ടിരിക്കുന്നത് നോക്കി വയ്ക്കും; രാത്രി വീടുകളില്‍ കയറി വസ്ത്രങ്ങള്‍ മോഷ്ടിക്കും; സ്വര്‍ണമോഷണവും പതിവ്; അപൂര്‍വ കള്ളന്‍ പിടിയില്‍.. രാത്രിയില്‍ വീടുകള്‍ കയറി വസ്ത്രങ്ങള്‍ മോഷ്ടിക്കുന്ന അപൂര്‍വ്വ കള്ളനായ 53കാരൻ പിടിയില്‍. മുപ്പതോളം മോഷണ കേസുകളില്‍ പ്രതിയായ താനൂര്‍ സ്വദേശി ഷാജഹാനാണ് പിടിയിലായത്. സി.സി.ടിവിയും മറ്റും കേന്ദ്രീകരിച്ച്‌ നടത്തിയ അന്വേഷണത്തില്‍ തിരൂരങ്ങാടിയില്‍ വച്ചാണ് പ്രതി കുറ്റിപ്പുറം പൊലീസിന്റെ വലയിലാകുന്നത്. കുറ്റിപ്പുറം രാങ്ങാട്ടൂര് പള്ളി പടിയില്‍ കഴിഞ്ഞ ജൂലൈ 17 ന് നടന്ന മോഷണ കേസിലെ പ്രതിയാണ് താനൂര്‍, ഒഴൂര്‍ കുട്ടിയാനകത്ത് ഷാജഹാൻ. പകല്‍ ബസില്‍ സഞ്ചരിച്ച്‌ ടെറസിന് മുകളില്‍ വസ്ത്രങ്ങള്‍ ഉണക്കാനിട്ടിരിക്കുന്നത് കണ്ടെത്തുകയും, രാത്രിയിലെത്തി ആ വസ്ത്രങ്ങള്‍ മോഷ്ട്ടിക്കുന്ന സ്വഭാവവും പ്രതിക്കുണ്ട്. രാങ്ങാട്ടൂർ പള്ളി പടിയില്‍ സ്ത്രീകള്‍ മാത്രമുള്ള വീട്ടില്‍ പുലര്‍ച്ചെ രണ്ടുമണിക്ക് അടുക്കളയുടെ പൂട്ട് തുറന്ന് കയറിയ ഷാജഹാൻ ഉറങ്ങി കിടന്നിരുന്ന ഒന്നര വയസുള്ള കുട്ടിയുടെ ഒരു പവൻ മാല, മുക്കാല്‍ പവൻ പാദസ്വരം,...

പകല്‍, ബസില്‍ സഞ്ചരിച്ച്‌ ടെറസിന് മുകളില്‍ വസ്ത്രങ്ങള്‍ ഉണക്കാന്‍ ഇട്ടിരിക്കുന്നത് നോക്കി വയ്ക്കും; രാത്രി വീടുകളില്‍ കയറി വസ്ത്രങ്ങള്‍ മോഷ്ടിക്കും; സ്വര്‍ണമോഷണവും പതിവ്; അപൂര്‍വ കള്ളന്‍ പിടിയില്‍.. രാത്രിയില്‍ വീടുകള്‍ കയറി വസ്ത്രങ്ങള്‍ മോഷ്ടിക്കുന്ന അപൂര്‍വ്വ കള്ളനായ 53കാരൻ പിടിയില്‍. മുപ്പതോളം മോഷണ കേസുകളില്‍ പ്രതിയായ താനൂര്‍ സ്വദേശി ഷാജഹാനാണ് പിടിയിലായത്. സി.സി.ടിവിയും മറ്റും കേന്ദ്രീകരിച്ച്‌ നടത്തിയ അന്വേഷണത്തില്‍ തിരൂരങ്ങാടിയില്‍ വച്ചാണ് പ്രതി കുറ്റിപ്പുറം പൊലീസിന്റെ വലയിലാകുന്നത്. കുറ്റിപ്പുറം രാങ്ങാട്ടൂര് പള്ളി പടിയില്‍ കഴിഞ്ഞ ജൂലൈ 17 ന് നടന്ന മോഷണ കേസിലെ പ്രതിയാണ് താനൂര്‍, ഒഴൂര്‍ കുട്ടിയാനകത്ത് ഷാജഹാൻ. പകല്‍ ബസില്‍ സഞ്ചരിച്ച്‌ ടെറസിന് മുകളില്‍ വസ്ത്രങ്ങള്‍ ഉണക്കാനിട്ടിരിക്കുന്നത് കണ്ടെത്തുകയും, രാത്രിയിലെത്തി ആ വസ്ത്രങ്ങള്‍ മോഷ്ട്ടിക്കുന്ന സ്വഭാവവും പ്രതിക്കുണ്ട്. രാങ്ങാട്ടൂർ പള്ളി പടിയില്‍ സ്ത്രീകള്‍ മാത്രമുള്ള വീട്ടില്‍ പുലര്‍ച്ചെ രണ്ടുമണിക്ക് അടുക്കളയുടെ പൂട്ട് തുറന്ന് കയറിയ ഷാജഹാൻ ഉറങ്ങി കിടന്നിരുന്ന ഒന്നര വയസുള്ള കുട്ടിയുടെ ഒരു പവൻ മാല, മുക്കാല്‍ പവൻ പാദസ്വരം,...

രാജ്യാന്തര ബഹിരാകാശ നിലയത്തിലെ ദൗത്യം പൂർത്തിയാക്കി അൽ നെയാദി ദുബായ്: രാജ്യാന്തര ബഹിരാകാശ നിലയത്തിലെ ദൗത്യം പൂർത്തിയാക്കി അടുത്ത മാസം സുൽത്താൻ അൽ നെയാദി ഭൂമിയിലേക്കു മടങ്ങും. തിരിച്ചെത്തുന്ന ദിവസം ഇനിയും പ്രഖ്യാപിച്ചിട്ടില്ല. ഓഗസ്റ്റ് 3ന് 5 മാസം പൂർത്തിയാക്കും. ഓഗസ്റ്റ് അവസാന വാരമോ സെപ്റ്റംബർ ആദ്യമോ ആയിരിക്കും മടക്കയാത്രയെന്നാണ് സൂചന. ബഹിരാകാശ നിലയത്തിൽ ഏറ്റവും കൂടുതൽ ദിവസം ചെലവഴിച്ച ആദ്യ അറബ് വംശജൻ എന്ന നേട്ടം ഇതിനകം സുൽത്താൻ സ്വന്തമാക്കി. മാർച്ച് 3ന് ആണ് സുൽത്താൻ ബഹിരാകാശ നിലയത്തിലെത്തിയത്. ബഹിരാകാശത്ത് 7 മണിക്കൂർ നടന്നതിന്റെ ചരിത്രവും സുൽത്താന്റെ പേരിലെഴുതി. ബഹിരാകാശ നടത്തം നടത്തുന്ന ആദ്യ അറബ് വംശജനാണ് സുൽത്താൻ. ബഹിരാകാശ നിലയത്തിന്റെ അറ്റകുറ്റ പ്രവൃത്തിയും പുതിയ സൗരോർജ പാനൽ സ്ഥാപിക്കലും നടത്തത്തിനിടെ പൂർത്തിയാക്കി. ഭൂമിയിൽ നിന്ന് 400 കിലോമീറ്റർ അകലെ സ്ഥിതി ചെയ്യുന്ന ബഹിരാകാശ നിലയത്തിൽ നിന്ന് അതിമനോഹര ചിത്രങ്ങളാണ് ഓരോ ദിവസവും സുൽത്താൻ പങ്കുവയ്ക്കുന്നത്. ഇതിനകം യുഎഇയിലെ വിവിധ മേഖലയിലെ വിദഗ്ധരുമായും വിദ്യാർഥികളുമായും അദ്ദേഹം ആശയ വിനിമയം നടത്തി. നാസയിലെ മറ്റു ശാസ്ത്രജ്ഞർക്കൊ...

കാണാതായ യുവതിയും മക്കളും ഭിക്ഷാടനമാഫിയയുടെ പിടിയില്‍; രണ്ടുവര്‍ഷത്തിന് ശേഷം കണ്ടെത്തി പോലീസ്.. നിലമ്പൂർ പോത്തുകല്ലില്‍നിന്ന് കാണാതായ ആദിവാസി യുവതിയെയും മക്കളെയും രണ്ടുവര്‍ഷത്തിന് ശേഷം പോലീസ് കണ്ടെത്തി. ഭിക്ഷാടന മാഫിയയുടെ കൈയിലകപ്പെട്ട കുനിപ്പാല ആദിവാസി കോളനിയിലെ മിനി, മക്കളായ രമേശ്, രഞ്ജിത്ത് എന്നിവരെയാണ് തമിഴ്നാട്ടില്‍നിന്ന് കണ്ടെത്തിയത്. 2021-ലാണ് മിനിയെയും മക്കളെയും ദുരൂഹസാഹചര്യത്തില്‍ കാണാതായത്. തുടര്‍ന്ന് നിലമ്പൂര്‍ ഡിവൈ.എസ്.പി.യുടെ മേല്‍നോട്ടത്തില്‍ പ്രത്യേക പോലീസ് സംഘം രൂപവത്കരിച്ച്‌ അന്വേഷണം ആരംഭിച്ചു. രണ്ടുവര്‍ഷം നീണ്ട പോലീസിന്റെ പ്രയത്നമാണ് ഫലം കണ്ടതെന്നും യുവതിയും മക്കളും ഭിക്ഷാടന മാഫിയയുടെ കൈയിലകപ്പെട്ടിരിക്കുകയായിരുന്നു. ലഭിച്ച വിവരങ്ങളുടെ അടിസ്ഥാനത്തില്‍ തമിഴ്നാട്ടിലെ കോയമ്പത്തൂര്‍, മധുര, പഴനി, പൊള്ളാച്ചി, തിരുപ്പൂര്‍, മേട്ടുപ്പാളയം എന്നിവിടങ്ങളിലെല്ലാം തിരച്ചില്‍ നടത്തി. ഈ അന്വേഷണത്തിലാണ് യുവതിയും മക്കളും ഭിക്ഷാടന മാഫിയയുടെ കൈയിലകപ്പെട്ടെന്ന വിവരം ലഭിച്ചത്. തുടര്‍ന്ന് കോയമ്പത്തൂരിലെത്തിയ പോലീസ് സംഘം പ്രദേശവാസികളുമായി അടുപ്പം സ്ഥാപിച്ച്‌ കൂടുതല്‍വിവരങ്ങള്‍ ശേഖ...

സൗദിയിൽ വീടിന് തീപിടിച്ച് നാല് കുട്ടികൾ മരിച്ചു സൗദി: അല്‍ഹസയില്‍ വീടിന് തീപിടിച്ച് സൗദി പൗരന്റെ നാലു കുട്ടികള്‍ മരിച്ചു. മാതാപിതാക്കള്‍ വീട്ടിലില്ലാത്ത സമയത്താണ് തീ ആളിപ്പടര്‍ന്നതും കുട്ടികള്‍ മരിച്ചതും. നാഷണല്‍ ജസ്റ്റിസ് ക്ലബിലെ ഫെന്‍സിങ് പരിശീലകന്‍ അലി ബിന്‍ ഇബ്രാഹിം അല്‍ഉബൈദിന്റെ മക്കളായ ഹിബ (9), ഹുസൈന്‍ (9), ലയാന്‍ (2), റഹഫ് (1) എന്നിവരാണ് മരിച്ചത്. അല്‍ഇംറാന്‍ സ്ട്രീറ്റില്‍ ഇവര്‍ താമസിക്കുന്ന കെട്ടിടത്തിന്റെ താഴെ നിലയിലാണ് ആദ്യം തീ പിടിച്ചത്. പിന്നീട് രണ്ടാം നിലയിലേക്ക് പടരുകയായിരുന്നുവെന്ന് ദൃസ്സാക്ഷികള്‍ പറഞ്ഞു.

ഫോട്ടോയെടുക്കുന്നതിനിടെ പുഴയിൽ വീണു; നവദമ്പതികളുടെ മൃതദേഹം കണ്ടെത്തി തിരുവനന്തപുരം: തിരുവനന്തപുരം പള്ളിക്കൽ ഫോട്ടോ എടുക്കുന്നതിനിടെ പുഴയിൽ നവദമ്പതികൾ വെള്ളത്തിൽ വീണ സംഭവത്തിൽ ദമ്പതികളുടെ മൃതദേഹം കണ്ടെത്തി. ഇവർക്കായി തെരച്ചിൽ ഊർജ്ജിതമാക്കിയിരുന്നു. നൗഫിയുടെ മൃതദേഹം ആണ് ആദ്യം കണ്ടെത്തിയത്. പിന്നീട് ഭർത്താവ് സിദ്ദിഖിന്റെ മൃതദേഹവും കിട്ടി. ഇതോടെ പുഴയിൽ വീണ മൂന്നു പേരുടെയും മൃതദേഹം ലഭിച്ചു. മൂന്ന് പേരുടെ മൃതദേഹവും പാരിപ്പള്ളി മെഡിക്കൽ കോളേജ് ആശുപത്രിയിലേക്ക് മാറ്റി. സിദ്ധിക്ക്, നൗഫി, അൻസിൽ എന്നിവരാണ് മരിച്ചത്. ഇന്നലെ വൈകിട്ട് ആണ് അപകടം ഉണ്ടായത്. അൻസിലിന്റെ മൃതദേഹം ഇന്നലെ കിട്ടിയിരുന്നു. ഫയർഫോഴ്സും മുങ്ങൽ വിദഗ്ധരും ചേർന്നാണ് തെരച്ചിൽ നടത്തിയത്. ഇവരെ രക്ഷപെടുത്താൻ പുഴയിൽ ഇറങ്ങിയ ബന്ധു അൻസിൽ ഒഴുക്കിൽപ്പെട്ടാണ് മരിച്ചത്. അൻസിലിന്റെ വീട്ടിൽ വിരുന്നിനെത്തിയതായിരുന്നു നവദമ്പതികൾ. വിരുന്നിന് ശേഷം മൂവരും സമീപത്തെ പുഴയിൽ ഫോട്ടോ എടുക്കാനായി പോയി. പാറക്കെട്ടിൽ നിന്ന് ഫോട്ടോ എടുക്കുന്നതിനിടെ കാൽ തെറ്റി ദമ്പതികൾ പുഴയിൽ വീണെന്നാണ് വിവരം. ഇവരെ രക്ഷിക്കാൻ ശ്രമിക്കുന്നതിനിടെ അൻസിലും പുഴയിലേക്ക് വ...

30/07/2023, ഞായർ, ഇന്നത്തെ വിപണി നിലവാരം സ്വർണ്ണം... ഗ്രാം : 5535 രൂപ പവൻ : 44,280 രൂപ   വെള്ളി... ഗ്രാം : 80.00 രൂപ കിലോ : 80,000 രൂപ എക്സ്ചേഞ്ച്‌ റേറ്റ്‌... യു എസ്‌ ഡോളർ. : 82.26 യൂറൊ : 90.70 ബ്രിട്ടീഷ്‌ പൗണ്ട്‌ : 105.67 ഓസ്ട്രേലിയൻ ഡോളർ : 54.72 കനേഡിയൻ ഡോളർ :62.09  സിംഗപ്പൂർ ഡോളർ. : 61.80 ബഹറിൻ ദിനാർ : 219.29 മലേഷ്യൻ റിംഗിറ്റ്‌ : 18.06 സൗദി റിയാൽ : 21.93 ഖത്തർ റിയാൽ : 22.59 യു എ ഇ ദിർഹം : 22.39 കുവൈറ്റ്‌ ദിനാർ : 267.00 ഒമാനി റിയാൽ. : 213.16 പെട്രോൾ, ഡീസൽ വിലകൾ... കോഴിക്കോട്‌ : 108.27 - 97.18 എറണാകുളം : 107.72 - 96.64 തിരുവനന്തപുരം : 109.73 - 98.53 കോട്ടയം : 107.90- 96.81 മലപ്പുറം : 108.04 - 96.97 തൃശൂർ : 108.36- 97.24 കണ്ണൂർ : 108.20 - 97.12 മാഹി : 93.80 - 83.72

ജീവിത വിജയം നേടിയെടുക്കുന്നതിന് ഒരാൾ സമർപ്പിക്കുന്ന മനോബലം ഉണ്ടല്ലോ ..അതാണ് ദൃഢനിശ്ചയം . അസാധ്യമായവയെ സാധ്യമാക്കുന്ന ഉൾക്കരുത്ത് നമ്മളിലേക്ക് എത്തിച്ചുകൊണ്ട് അചഞ്ചലമായി ലക്ഷ്യത്തിലേക്ക് മുന്നേറാൻ അത്  നമ്മളെ പ്രാപ്തരാക്കും . ജീവിതത്തിൽ നമ്മൾ പലയിടത്തും പരാജയപ്പെടുമ്പോൾ നമ്മളെ അത്രയും ഇഷ്ടത്തോടെ ചേർത്തു നിർത്തി ആത്മവിശ്വാസം പകർന്നു നൽകുന്ന ചിലരുണ്ട് . അവരുടെ വാക്കുകൾ മാത്രം മതി. ആത്മവിശ്വാസത്തോടെ നമുക്ക് മുന്നോട്ടു പോകാൻ. ജീവിതത്തിൽ താങ്ങായും തണലായും നമുക്ക് നാം മാത്രമേ ഉണ്ടാകൂ എന്ന അവസ്ഥ വരുമ്പോൾ ധൈര്യം കൈവിടാതിരിക്കുക. സത്യസന്ധതയും കഠിനാധ്വാനം ചെയ്യാനുള്ള മനസ്സുമുണ്ടെങ്കിൽ അപ്രാപ്യമെന്ന് കരുതുന്ന പലതും നമുക്ക് പൊരുതി നേടിയെടുക്കാൻ കഴിയും. കനത്ത മഴ പെയ്യുമ്പോൾ പക്ഷികളെല്ലാം സുരക്ഷിതമായ ഇടം തേടി പോകും. എന്നാൽ പരുന്ത് മാത്രം മേഘങ്ങൾക്കു മീതെ പറന്നു മഴയെ അതിജീവിക്കും. പ്രശ്നങ്ങൾ എല്ലാവർക്കും ഒരുപോലെയാണ്.അതിനെ അഭിമുഖീകരിക്കുന്ന രീതിയാണ് പ്രധാനം. ജീവിതത്തിലെ കയ്പേറിയ തിരിച്ചടികളെ തികഞ്ഞ ആത്മവിശ്വാസ ത്തോടെനേരിടുക. ഉറച്ച മനക്കരുത്തുണ്ടെങ്കിൽ നഷ്ടങ്ങളിൽ നിന്നും കോട്ടങ്ങളി...

അറിവിനെക്കാൾ കൃത്യതയാണ് വേണ്ടത് അറിവ് നിങ്ങളുടെ ഓർമയിലാണ് ഉണ്ടാകേണ്ടത്. അറിവ് എന്ന് നിങ്ങൾ പറയുന്നത് വിവരങ്ങളുടെ ഒരു സഞ്ചയമാണ്. നിങ്ങള്‍ക്ക് ഭക്ഷണം പാകം ചെയ്യുവാനും, ഒരു കാർ നിര്‍മ്മിക്കുവാനും, ഒരു കേമമായ കമ്പ്യൂട്ടർ ഉണ്ടാക്കുവാനും, ഒരു കെട്ടിടം പണിയുവാനും ഈ വിവരങ്ങളുടെ സഞ്ചയം ആവശ്യമാണ്. പാചക പുസ്തകമായാലും, എഞ്ചിനീയറിംഗ് പുസ്തകമായാലും, വൈദ്യ ശാസ്ത്രത്തിന്‍റെ പുസ്തകമായാലും, അതെല്ലാം വിവരങ്ങളുടെ കൂട്ടം മാത്രമാണ്. ഇങ്ങിനെ കൂട്ടിവച്ചിരിക്കുന്ന വിവരങ്ങൾ പ്രയോജനപ്പെടുത്തിയില്ലെങ്കിൽ, നിങ്ങൾക്ക് ഓരോ ദിവസവും ചക്രം വീണ്ടും കണ്ടുപിടിക്കേണ്ടി വരും. ആയിരം വര്‍ഷങ്ങള്‍ക്കു മുൻപ് കണ്ടുപിടിക്കപ്പെട്ട ഒരു കാര്യം വീണ്ടും കണ്ടുപിടിക്കുവാൻ ഒരു വിഡ്ഢി മാത്രമേ ശ്രമിക്കുകയുള്ളു. ബുദ്ധിമാനായ ഒരുവൻ മുൻപ് കണ്ടുപിടിച്ചതിനെ ഉപയോഗിച്ച് പുതിയതെന്തെങ്കിലും നാളെക്കായി കണ്ടുപിടിക്കുവാൻ ശ്രമിക്കും. അറിവിനെക്കാൾ കൃത്യതയാണ് വേണ്ടത്. അറിവ് അത്യാവശ്യമാണ്. എന്തെന്നാൽ ഇതിനെല്ലാം നിങ്ങളുടെ മാത്രമല്ല ഈ ലോകത്തിൽ ജീവിച്ച അനേകായിരം ആളുകളുടെയും, അനേകായിരം തലമുറകളുടെയും അറിവുകൾ കൂടി ഉപയോഗപ്പെടുത്തേണ്ടതുണ്ട്. ഇത് ഉപയോഗപെ...

‘ബ്ലാക്ക് മാൻ’ എന്ന് ചുവരെഴുത്ത്; കണ്ണൂരിൽ വീണ്ടും രാത്രി സഞ്ചാരിയായ അജ്ഞാതൻ്റെ വിളയാട്ടം കണ്ണൂർ ചെറുപുഴയിൽ വീണ്ടും രാത്രി സഞ്ചാരിയായ അജ്ഞാതൻ്റെ വിളയാട്ടം. വീടുകളുടെ ചുവരിൽ ബ്ലാക്ക് മാൻ എന്നെഴുതിയിട്ടുണ്ട്. തേർത്തല്ലിയിലും ചെറുപുഴയിലും അജ്ഞാതൻ തുടർച്ചയായി ഭീതി വിതക്കുകയാണ്. സംഭവത്തിൽ ഇതുവരെ ആരെയും കണ്ടെത്താൻ പൊലീസിനു സാധിച്ചിട്ടില്ല. രാത്രിയിൽ നിരവധി വീടുകളിൽ അജ്ഞാതനെത്തുന്നുവെന്ന് നാട്ടുകാർ പറയുന്നു. നാട്ടുകാരാണ് ഇയാൾക്ക് ബ്ലാക്ക് മാൻ എന്ന് പേരിട്ടത്. ഒന്നിൽ കൂടുതൽ ആളുകളുണ്ടെന്നും മുഖം മൂടി സംഘമാണെന്നുമൊക്കെ നാട്ടുകാർക്കിടയിൽ അഭിപ്രായമുണ്ട്. ഇതുവരെ മോഷണമൊന്നും നടന്നിട്ടില്ല. വാതിലുകളിൽ മുട്ടുക, അലക്കിവെച്ചിരിക്കുന്ന തുണി മാറ്റിവെക്കുക, പൈപ്പ് തുറന്നുവെക്കുക തുടങ്ങിയവയാണ് അജ്ഞാതൻ്റെ ചെയ്തികൾ. സിസിടിവികളിൽ അവ്യക്തമായ രൂപം പതിഞ്ഞിട്ടുണ്ടെന്നും നാട്ടുകാർ പറയുന്നു.

യുഎഇയിൽ ദുർമന്ത്രവാദം നടത്തി കബളിപ്പിക്കാൻ ശ്രമിച്ച 7 പേർക്ക് 50,000 ദിർഹം പിഴയും തടവും യുഎഇയിൽ ദുർമന്ത്രവാദം നടത്തുകയും മറ്റുള്ളവരെ കബളിപ്പിക്കുകയും ചെയ്ത ഏഴ് പേർക്ക് 50,000 ദിർഹം പിഴയും ആറ് മാസം തടവും വിധിച്ചു. ദുർമന്ത്രവാദത്തിന് ഇരയായതായി ഒരാൾ പരാതിപ്പെട്ടതിന് പിന്നാലെയാണ് ഇതിന് പിന്നിൽ പ്രവർത്തിച്ച 7 പേരെയും പിടി കൂടിയത്. ആളുകളെ സുഖപ്പെടുത്താൻ കഴിയുന്ന 400 വർഷത്തിലേറെയുള്ള ഒരു ജിന്ന് തങ്ങൾക്കുണ്ടെന്നാണ് പ്രതികൾ ഇരകളോട് പറഞ്ഞിരുന്നത്. മന്ത്രവാദം, വഞ്ചന, മന്ത്രവാദത്തിന് ഉപയോഗിക്കുന്ന വസ്തുക്കൾ കൈവശം വെക്കുക എന്നീ കുറ്റങ്ങൾ ചുമത്തിയാണ് ഏഴുപേരെയും കോടതിയിൽ ഹാജരാക്കിയത്. ഇവർക്ക് 6 മാസത്തെ ജയിൽ ശിക്ഷയും ജുഡീഷ്യൽ ഫീസിന് പുറമെ 50,000 ദിർഹം പിഴ അടക്കാനും വിധിച്ചിട്ടുണ്ട്.

മെസേജുകൾ ഇനി കൂടുതൽ മെച്ചപ്പെടുത്താം, ടെലഗ്രാമിലെ ഈ ഫീച്ചർ വാട്സ്ആപ്പിലും എത്തുന്നു പരമാവധി 60 സെക്കന്റ് ദൈർഘ്യമുള്ള വീഡിയോകൾ വരെയാണ് സന്ദേശമായി അയക്കാൻ സാധിക്കുക മെസേജുകൾ കൂടുതൽ ആകർഷകമാക്കാൻ പുതിയ ഫീച്ചറുമായി എത്തിയിരിക്കുകയാണ് വാട്സ്ആപ്പ്. ടെലഗ്രാമിലെ ‘വീഡിയോ മെസേജിന്’ സമാനമായ ഫീച്ചറാണ് വാട്സ്ആപ്പിലും എത്തുന്നത്. ഇതോടെ, ഉപഭോക്താക്കൾക്ക് ചാറ്റിൽ കുറഞ്ഞ ദൈർഘ്യമുള്ള വീഡിയോ സന്ദേശങ്ങൾ അയക്കാൻ സാധിക്കും. സാധാരണയായി അയക്കുന്ന വോയിസ് മെസേജ് ഫീച്ചർ പോലെയാണ് ഇവയും പ്രവർത്തിക്കുന്നത്. വോയിസിനൊപ്പം വീഡിയോ കൂടി ഉണ്ടാകുമെന്നതാണ് പുതിയ ഫീച്ചറിന്റെ പ്രത്യേകത. മെസേജ് ടൈപ്പിംഗ് ബാറിന് വലതുവശത്തായുള്ള ഐക്കൺ ടാപ്പ് ചെയ്താൽ, അവ വീഡിയോ മോഡിലേക്ക് മാറുന്നതാണ്. പരമാവധി 60 സെക്കന്റ് ദൈർഘ്യമുള്ള വീഡിയോകൾ വരെയാണ് ഇത്തരത്തിൽ സന്ദേശമായി അയക്കാൻ സാധിക്കുക. റെക്കോർഡ് ബട്ടൺ അമർത്തി മുകളിലേക്ക് സ്വൈപ്പ് ചെയ്യുന്നതോടെ, സ്ക്രീനിൽ വിരൽ വയ്ക്കാതെ തന്നെ റെക്കോർഡ് ചെയ്യാൻ കഴിയുന്നതാണ്. ഇത്തരത്തിലുള്ള സന്ദേശങ്ങൾ വൃത്താകൃതിയിലാണ് ചാറ്റിനുള്ളിൽ പ്രത്യക്ഷപ്പെടുക. വീഡിയോകൾ ഓട്ടോമാറ്റിക്കായി പ്ലേ ആകുമെങ്കിലും, വീഡി...

പതിനഞ്ചുകാരിയെ പീഡിപ്പിച്ച് ദൃശ്യങ്ങൾ ഇൻസ്റ്റ വഴി വിറ്റ ദമ്പതികൾ അറസ്റ്റിൽ കൊല്ലം കുളത്തൂപ്പുഴയിൽ 15 കാരിയെ പീഡിപ്പിച്ച് ദൃശ്യങ്ങൾ ഇൻസ്റ്റഗ്രാം വഴി വിറ്റ ദമ്പതികൾ പിടിയിൽ. കുളത്തൂപ്പുഴ സ്വദേശി വിഷ്ണു (31), ഭാര്യ സ്വീറ്റി (20)എന്നിവരാണ് പിടിയിലായത്. പതിനഞ്ചുകാരിയായ വിദ്യാര്‍ഥിനിയെ ട്യൂഷന്‍ എടുക്കാന്‍ എന്ന വ്യാജേന വിളിച്ചുവരുത്തി പീഡിപ്പിക്കുകയായിരുന്നു ഇയാൾ. പിന്നീട് പീഡന ദൃശ്യങ്ങള്‍ ഭാര്യയെ ഉപയോഗിച്ച് മൊബൈല്‍ ഫോണില്‍ ചിത്രീകരിച്ചു ഇന്‍സ്റ്റാഗ്രാം വഴി ദൃശ്യങ്ങൾ ഷെയര്‍ ചെയ്യുകയായിരുന്നു. ആവശ്യക്കാര്‍ക്ക് മുന്‍‌കൂര്‍ പണം നല്‍കി ഇന്‍സ്റ്റഗ്രാം വഴി അയച്ചു നൽകുന്നതാണ് ഇവരുടെ പതിവ്. നിരവധി പേരാണ് ഇവരിൽ നിന്ന് പീഡന ദൃശ്യങ്ങൾ വാങ്ങിയിട്ടുള്ളത്. ഫോട്ടോക്ക് 50 രൂപമുതല്‍ അഞ്ഞൂറ് രൂപവരെയും ദൃശ്യങ്ങള്‍ക്ക് 1500 രൂപ വരെയും പ്രതികള്‍ ആവശ്യക്കാരില്‍ നിന്നും ഈടാക്കിയതായി പോലീസ് പറയുന്നു. അതേസമയം, സംഭവത്തിൽ പോലീസ് അന്വേഷണം തുടങ്ങി. പ്രതികളെ കൂടാതെ ദൃശ്യങ്ങൾ വാങ്ങിയവരിലേക്കും അന്വേഷണം നീട്ടാനാണ് പൊലീസ് തീരുമാനം. ഈ വർഷം ആദ്യം മുതലാണ് പ്രതികൾ പെൺകുട്ടിയെ പീഡനത്തിന് ഇരയാക്കിക്കൊണ്ടിരുന്നത്....

ബൈത്തുല്‍ മുഖദ്ദിസ് തീര്‍ത്ഥാടനത്തിന് പോയ സംഘത്തെ കാണാനില്ലെന്ന്; പരാതി ലഭിച്ചത് ഏഴ് മലയാളികളെ കാണാതായെന്ന്; അനധികൃതമായി കടന്നുകളഞ്ഞെന്ന് സൂചനകൾ. തീര്‍ത്ഥാടക സംഘത്തിലെ ഏഴ് പേരെ ഇസ്രായേലില്‍ കാണാതായതായി യാത്രയൊരുക്കിയ മലപ്പുറത്തെ ട്രാവല്‍ ഏജൻസി മുഖ്യമന്ത്രിക്കും ഡി.ജി.പിക്കും മലപ്പുറം എസ്.പിക്കും പരാതി നല്‍കി. ജൂലൈ 25ന് പുറപ്പെട്ട യാത്രാസംഘത്തില്‍പെട്ട രണ്ട് സ്ത്രീകള്‍ ഉള്‍പ്പെടെ ഏഴ് പേരാണ് അപ്രത്യക്ഷരായത്. ഇവര്‍ ബോധപൂര്‍വം മുങ്ങിയതാണെന്നും കണ്ടെത്താൻ സര്‍ക്കാര്‍ അടിയന്തരമായി ഇടപെടണമെന്നുമാവശ്യപ്പെട്ടാണ് പരാതി. മലപ്പുറത്തെ ഗ്രീൻ ഒയാസിസ് ടൂര്‍സ് ആൻഡ് ട്രാവല്‍ സര്‍വീസസ് പ്രൈവറ്റ് ലിമിറ്റഡ് എന്ന സ്ഥാപനമാണ് ജോര്‍ഡൻ, ഇസ്രായേല്‍, ഈജിപ്ത് യാത്ര സംഘടിപ്പിച്ചത്. ജറുസലേമില്‍ ബൈത്തുല്‍ മുഖദ്ദിസ് സന്ദര്‍ശനത്തിനിടെയാണ് ഏഴ് പേരെ കാണാതായത്.  ഇവര്‍ അനധികൃതമായി കടന്നുകളഞ്ഞതാണെന്നാണ് സാഹചര്യത്തെളിവുകള്‍ നല്‍കുന്ന സൂചനയെന്ന് ട്രാവല്‍സ് അധികൃതര്‍ പറയുന്നു. യാത്രാസംഘത്തിലെ ബാക്കിയുള്ളവരെ ഇസ്രായേലിലെ ടൂര്‍ ഏജന്റ് തടഞ്ഞ് വെച്ചിരിക്കയാണ്. കാണാതായവരെ കണ്ടെത്തിയില്ലെങ്കില്‍ പിഴയായി ഓരോ അംഗത്തിന...

വീട്ടുവളപ്പിൽ പ്ലാസ്റ്റിക് കത്തിച്ചതിന് 3 പേർക്കെതിരെ കേസ്; വില്പനക്ക് സംഭരിച്ചതിനും പിഴ; വേണം ശ്രദ്ധ മൊറയൂർ പഞ്ചായത്തിൽ പ്ലാസ്റ്റിക് മാലിന്യം കത്തിച്ചതിന് 3 പേർക്കെതിരെ കൊണ്ടോട്ടി പൊലീസ് കേസെടുത്തു. മൊറയൂർ പഞ്ചായത്ത് പരിധിയിൽ നടത്തിയ പരിശോധനയിലാണ് ഹാജിയാർപടി സ്വദേശിയായ അധ്യാപകനെതിരെയും വാലഞ്ചേരി സ്വദേശിക്കെതിരെയും മൊറയൂരിലെ അപാർട്മെന്റിൽ താമസിക്കുന്ന യുവതിക്ക് എതിരെയുമാണ് കേസെടുത്തത്. ഇവർ പ്ലാസ്റ്റിക് മാലിന്യങ്ങൾ കത്തിച്ച സംഭവങ്ങൾ ശ്രദ്ധയിൽപെട്ടതോടെ എൻഫോഴ്സ്മെന്റ് സ്ക്വാഡ് കൊണ്ടോട്ടി പൊലീസിനു നൽകിയ റിപ്പോർട്ടിന്റെ അടിസ്ഥാനത്തിലാണു കേസ് എടുത്തത്. വീടിനോട് ചേർന്നും സ്വന്തം ഉടമസ്ഥതയിലുളള അപ്പാർട്മെന്റ് സമുച്ചയത്തിലുമാണു പ്ലാസ്റ്റിക് ഉൾപ്പെടെയുള്ള മാലിന്യങ്ങൾ കത്തിച്ചത്. നിരോധിക്കപ്പെട്ട പ്ലാസ്റ്റിക്കുകൾ, തെർമോകോൾ പ്ലേറ്റുകൾ, ഡിസ്പോസിബിൾ ഗ്ലാസുകൾ എന്നിവ സംഭരിച്ചു വിൽപനയ്ക്കായി ഉപയോഗിച്ചതിന് മോങ്ങത്തെ ഒരു സ്ഥാപനത്തിന് 10,000 രൂപ പിഴ ചുമത്തി.

ആലുവയിൽ കൊല്ലപ്പെട്ട അഞ്ചു വയസുകാരിയെ പ്രതി അസ്ഫാക് ലൈംഗിക പീഡനത്തിനിരയാക്കിയതായി കണ്ടെത്തൽ. ഇൻക്വസ്റ്റ് നടപടികൾ പൂർത്തിയായതോടെയാണ് പീഡനവിവരം സ്ഥിരീകരിച്ചത്. കുട്ടിയുടെ ദേഹമാസകലം മുറിവുകളും കണ്ടെത്തിയിട്ടുണ്ട്. കൊലപാതകത്തിന് ശേഷം കുട്ടിയെ ചെളിയിൽ പൂഴ്ത്തി മൃതദേഹത്തിന് മുകളിൽ വലിയ പാറക്കല്ലുകളെടുത്ത് വെച്ചാണ് അസ്ഫാക് സംഭവസ്ഥലത്ത് നിന്ന് മടങ്ങിയത്. കസ്റ്റഡിയിലെടുത്തപ്പോഴും പണത്തിനായി കുഞ്ഞിനെ കൈമാറി എന്നതടക്കം മൊഴി നൽകി പൊലീസിനെ തെറ്റിദ്ധരിപ്പിക്കാനും ഇയാൾ ശ്രമിച്ചിരുന്നു. എന്നാൽ അസ്ഫാക് തന്നെയാണ് പ്രതി എന്നതിന്റെ അടിസ്ഥാനത്തിലായിരുന്നു പൊലീസിന്റെ അന്വേഷണം. ഇൻക്വസ്റ്റ് നടപടികൾക്ക് ശേഷം പോസ്റ്റ്‌മോർട്ടത്തിനായി കുട്ടിയുടെ മൃതദേഹം കളമശേരി മെഡിക്കൽ കോളജിലേക്ക് മാറ്റി. പോസ്റ്റ്‌മോർട്ടത്തിന് ശേഷമേ കൂടുതൽ വിവരങ്ങൾ ലഭ്യമാകൂ. കുട്ടിയുടെ ശരീരത്തിൽ വലിയ പാറക്കല്ലുകൾ വെച്ചിരുന്നതായാണ് പൊലീസ് അറിയിക്കുന്നത്. കുട്ടിയുടെ കൊലപാതകത്തിൽ പ്രതി അസ്ഫാക് ആലം കുറ്റം സമ്മതിച്ചതായി ആലുവ റൂറൽ എസ്പി വിവേക് കുമാർ അറിയിച്ചു. ഇന്ന് രാവിലെ പ്രതി പറഞ്ഞ പ്രകാരം നടത്തിയ തെരച്ചിലിലാണ് ആലുവ മാർക്കറ്റ് പരിസരത്ത്...

29/07/2023, ശനി, ഇന്നത്തെ വിപണി നിലവാരം സ്വർണ്ണം... ഗ്രാം : 5535 രൂപ പവൻ : 44,280 രൂപ   വെള്ളി... ഗ്രാം : 80.00 രൂപ കിലോ : 80,000 രൂപ എക്സ്ചേഞ്ച്‌ റേറ്റ്‌... യു എസ്‌ ഡോളർ. : 82.26 യൂറൊ : 90.61 ബ്രിട്ടീഷ്‌ പൗണ്ട്‌ : 105.67 ഓസ്ട്രേലിയൻ ഡോളർ : 54.69 കനേഡിയൻ ഡോളർ :62.07  സിംഗപ്പൂർ ഡോളർ. : 61.81 ബഹറിൻ ദിനാർ : 219.29 മലേഷ്യൻ റിംഗിറ്റ്‌ : 18.06 സൗദി റിയാൽ : 21.93 ഖത്തർ റിയാൽ : 22.60 യു എ ഇ ദിർഹം : 22.40 കുവൈറ്റ്‌ ദിനാർ : 267.92 ഒമാനി റിയാൽ. : 213.67 പെട്രോൾ, ഡീസൽ വിലകൾ... കോഴിക്കോട്‌ : 108.27 - 97.18 എറണാകുളം : 107.72 - 96.64 തിരുവനന്തപുരം : 109.73 - 98.53 കോട്ടയം : 107.90- 96.81 മലപ്പുറം : 108.04 - 96.97 തൃശൂർ : 108.36- 97.24 കണ്ണൂർ : 108.20 - 97.12 മാഹി : 93.80 - 83.72

മിഠായിയും ചോക്ലേറ്റും കാണിച്ച് വിളിക്കും.. പോകരുത് ! അപരിചിതരിൽ നിന്ന് മക്കളെ കരുതാം.. പഠിപ്പിക്കാം ഇക്കാര്യങ്ങൾ മക്കൾ സ്‌കൂളിൽ പോകുമ്പോൾ, കളിക്കാൻ ഇറങ്ങുമ്പോൾ, ബന്ധുക്കളുടെ വീടുകൾ സന്ദർശിക്കുമ്പോൾ എന്നുവേണ്ട ഓരോ നിമിഷവും അവർ സുരക്ഷിതരാണോ എന്ന ആശങ്ക രക്ഷിതാക്കളെ അലട്ടി കൊണ്ടിരിക്കും. കുട്ടികളുടെ സുരക്ഷക്കായി പറ്റാവുന്നതെല്ലാം ചെയ്യാൻ മാതാപിതാക്കൾ ശ്രമിക്കാറുമുണ്ട്. ഇക്കാര്യത്തിൽ കുട്ടികൾക്കും പങ്കുണ്ട്, ഇതിനായി ചെറിയ പ്രായത്തിൽ തന്നെ അവർ അറിഞ്ഞിരിക്കേണ്ട ചില കാര്യങ്ങളുണ്ട്. പ്രത്യേകിച്ച്, അപരിചിതരായ ആളുകളുമായി ഇടപെടുമ്പോൾ സൂക്ഷിക്കേണ്ട കാര്യങ്ങൾ എന്തെല്ലാം ആണെന്ന് അവരെ പഠിപ്പിച്ചിരിക്കണം.  🚫സ്‌കൂളിൽ നിന്ന് മടങ്ങുന്ന വഴി അച്ഛനും അമ്മയും പറഞ്ഞിട്ട് കൂട്ടിക്കൊണ്ടു പോകാൻ വന്നതാണ് എന്ന് പറഞ്ഞ് അടുത്തേക്ക് വരുന്ന ആളുകളെ കുറിച്ച് കുട്ടിക്ക് അപായ സൂചന നൽകണം. ഇങ്ങനെ ആരെങ്കിലും സമീപിച്ചാൽ അവർക്കൊപ്പം പോകരുതെന്നും ഉടനെ അടുത്തുള്ള മുതിർന്നവരെ വിവരം അറിയിക്കണമെന്നും കുട്ടിയെ പഠിപ്പിക്കണം. അത്തരം ആളുകളെ വിശ്വസിക്കരുതെന്നും അവർ പറയുന്നത് പോലെ ചെയ്യരുതെന്നും കുട്ടിക്ക് സ്വയം തോന്നുന്ന...

കാത്തിരിപ്പ് വെറുതെയായി; ആലുവയില്‍ കാണാതായ അഞ്ച് വയസുകാരി കൊല്ലപ്പെട്ടു ആലുവ: ആലുവയില്‍ കാണാതായ അഞ്ച് വയസുകാരിയുടെ മൃതദേഹം കണ്ടെടുത്തു. മൃതദേഹം ചാക്കില്‍ക്കെട്ടിയ നിലയില്‍ കണ്ടെത്തി.അഞ്ച് വയസുകാരിയെ കാണാതായ സംഭവത്തിൽ തെരച്ചിൽ നടക്കുന്നതിനിടെ ആലുവ മാർക്കറ്റിൽ മൃതദേഹം കണ്ടെത്തിയത്. ഒരു കുഞ്ഞിന്റെ മൃതദേഹമാണെന്ന് ആലുവ പൊലീസ് സ്ഥിരീകരിച്ചു. പിന്നാലെ ആലുവയിൽ കാണാതായ പെൺകുട്ടിയുടേതാണ് മൃതദേഹമെന്ന് വ്യക്തമായി. ചാക്കിൽ കെട്ടിയ നിലയിൽ ഉപേക്ഷിച്ച നിലയിലാണ് മൃതേദേഹം കണ്ടെത്തിയത്. കേരളം കഴിഞ്ഞ 20 മണിക്കൂറിലേറെയായി പെൺകുട്ടിക്കായി തിരച്ചിൽ നടത്തുന്നതിനിടെയാണ് മൃതദേഹം കണ്ടെത്തിയത്. വെള്ളിയാഴ്ച വൈകീട്ട് മൂന്ന് മണിയോടെയാണ് പെണ്‍കുട്ടിയെ കാണാതായത്. പൊലീസ് നടത്തിയ അന്വേഷണത്തില്‍ അസം സ്വദേശിക്കൊപ്പം പെണ്‍കുട്ടി നടന്നുപോകുന്നതിന്റെ ദൃശ്യങ്ങള്‍ ലഭിച്ചിരുന്നു. പിന്നാലെ അസം സ്വദേശിയെ പൊലീസ് പിടികൂടിയിരുന്നു. ഇയാള്‍ മദ്യലഹരിയിലായതിനാല്‍ പൊലീസിന് പിടികൂടിയ സമയത്ത് ചോദ്യം ചെയ്യാന്‍ സാധിച്ചിരുന്നില്ല. കഴിഞ്ഞ അഞ്ച് വര്‍ഷത്തോളമായി തായാട്ടുകരയില്‍ താമസിക്കുന്ന ബീഹാറി കുടുംബത്തിലെ പെണ്‍കുട്ടിയെയാണ് കഴിഞ്ഞ...

ഓടിക്കൊണ്ടിരുന്ന കെ.എസ്.ആർ.ടി.സി ബസിന് തീപിടിച്ചു തിരുവനന്തപുരം: ചെമ്പകമംഗലത്ത് ഓടിക്കൊണ്ടിരുന്ന കെ.എസ്.ആർ.ടി.സി ബസിന് തീപിടിച്ചു. ബസിന്‍റെ ഉൾവശം പൂർണമായി കത്തിനശിച്ചു. യാത്രക്കാർ സുരക്ഷിതരാണ്. ആറ്റിങ്ങലിൽനിന്ന് തിരുവനന്തപുരത്തേക്ക് പോകുകയായിരുന്ന കെ.എസ്.ആർ.ടി.സി ഓർഡിനറി ബസിനാണ് തീപിടിച്ചത്. ബസിന്‍റെ മുൻഭാഗത്തുനിന്നും പുക ഉയരുന്നത് കണ്ട് നിർത്തി യാത്രക്കാരെ ഉടൻ പുറത്തിറക്കുകയായിരുന്നു. പുക ഉടൻ തീയായി പടർന്നു. അഗ്നിശമന സേനയെത്തിയാണ് തീ പൂർണമായി അണച്ചത്. സംഭവത്തെ തുടർന്ന് ദേശീയപാതയിൽ അൽപസമയം ഗതാഗതം തടസ്സപ്പെട്ടു.  

ഇന്ന് ലോക ഒ.ആർ.എസ് ദിനം വയറിളക്ക രോഗങ്ങള്‍ക്കെതിരെ അതീവ ശ്രദ്ധ വേണമെന്ന് ആരോഗ്യ വകുപ്പ്. ലോകത്ത് 5 വയസിന് താഴെയുള്ള കുട്ടികളുടെ മരണങ്ങളില്‍ രണ്ടാമത്തെ മരണ കാരണം വയറിളക്ക രോഗങ്ങളാണ്. ഒ ആര്‍ എസ് പാനീയ ചികിത്സയിലൂടെ കുട്ടികളുടെ ജീവന്‍ രക്ഷിക്കാനാകും. സംസ്ഥാനത്തെ എല്ലാ സര്‍ക്കാര്‍ ആരോഗ്യ സ്ഥാപനങ്ങളിലും ഒ ആര്‍ എസ്, സിങ്ക് എന്നിവ സൗജന്യമായി ലഭ്യമാണ്. വയറിളക്കം കുറയാതിരിക്കുക, രക്തം പോകുക, പനി, അമിതദാഹം, നിര്‍ജലീകരണം, പാനീയങ്ങള്‍ കുടിക്കാന്‍ പറ്റാത്ത അവസ്ഥ, മയക്കം, കുഴിഞ്ഞു താണ കണ്ണുകള്‍, വരണ്ട വായും നാക്കും തുടങ്ങിയ ലക്ഷണങ്ങള്‍ കണ്ടാല്‍ എത്രയും പെട്ടെന്ന് ഡോക്ടറുടെ സേവനം തേടേണ്ടതാണ്. എല്ലാ വര്‍ഷവും ജൂലൈ 29 ലോക ഒ ആര്‍ എസ് ദിനമായി ആചരിക്കുന്നു. മഴക്കാലം ആയതിനാല്‍ കോളറ, ടൈഫോയിഡ്, ഡയേറിയ, ഡിസെന്‍ട്രി, ഹെപ്പറ്റൈറ്റിസ് എ, ഇ, ഷിഗെല്ല തുടങ്ങിയ ജലജന്യ രോഗങ്ങള്‍ പടര്‍ന്ന് പിടിക്കാന്‍ സാധ്യത ഉള്ളതുകൊണ്ട് രോഗ നിയന്ത്രണത്തിനും ബോധവല്‍ക്കരണത്തിനും ആണ് ലോക ഒ ആര്‍ എസ് ദിനം ആചരിക്കുന്നത്. മിക്കവാറും വയറിളക്ക രോഗങ്ങള്‍ വീട്ടില്‍ നല്‍കുന്ന പാനീയ ചികിത്സ കൊണ്ട് ഭേദമാക്കാന്‍ കഴിയും. പാനീയ ചികിത്സ കൊണ...