ഉപ്പൂറ്റി വിണ്ടുകീറൽ വളരെ എളുപ്പത്തിൽ പരിഹരിക്കാം. കാണാൻ ഭംഗിയുള്ള കാൽപ്പാദം ആരാണ് ആഗ്രഹിക്കാത്തത്
പലരേയും അലട്ടുന്ന പ്രധാന ആരോഗ്യ പ്രശ്‌നങ്ങളില്‍ ഒന്നാണ് ഉപ്പൂറ്റി വിണ്ടു കീറുന്നത്. വരണ്ട ചര്‍മമുള്ളവര്‍ക്ക് പ്രത്യേകിച്ചും ഈ പ്രശ്‌നം നേരിടേണ്ടി വരുന്നു. മഞ്ഞു കാലത്ത് ഈ പ്രശ്‌നം കൂടുതല്‍ ഗുരുതരമാകും. കാലിന്റെ വിണ്ടു കീറലിന് ചര്‍മ പ്രശ്‌നം മാത്രമല്ല, പലപ്പോഴും കാരണമാകുന്നത്. ശരീരത്തിലെ
വൈറ്റമിനുകളുടെ കുറവ് സൂചിപ്പിയ്ക്കുന്ന ഒരു ലക്ഷണം കൂടിയാണ് കാലിലെ ഈ വെടിച്ചു കീറല്‍. ചില ചര്‍മ പ്രശ്‌നങ്ങള്‍ ഇതിലേയ്ക്കു വഴി തെളിയ്ക്കും.
ചിലരുടെ ഉപ്പൂറ്റികള്‍ വിണ്ട് കീറി നടക്കാന്‍ പോലും പറ്റാത്ത വിധത്തിലായിരിക്കും. ഇത്തരം പ്രതിസന്ധികള്‍ക്ക് പരിഹാരം കാണാന്‍ വേണ്ടി പലപ്പോഴും ആശുപത്രികളില്‍ പോയി മരുന്നുകള്‍ വാങ്ങിച്ചിട്ടുണ്ടെങ്കിലും ഇത് താല്‍ക്കാലികത്തേക്ക് മാത്രമായിരിക്കും ആശ്വാസം നല്‍കുക. വീണ്ടും ഇത് വരാനുള്ള സാധ്യത കൂടുതലാണ്. ഉപ്പൂറ്റി വിണ്ട് കീറുന്നതിന് പല കാരണങ്ങളുണ്ട്. എന്നാൽ മികച്ച ശ്രദ്ധയും പരിചരണവും ഉണ്ടെങ്കിൽ കാൽപാദങ്ങളുടെ സൗന്ദര്യം വീണ്ടെടുക്കാനാകും. ഇതിനായി ചെയ്യേണ്ട ചില കാര്യങ്ങൾ എന്തൊക്കെയാണെന്ന് നോക്കാം...
നമുക്കു ചെയ്യാവുന്ന ചില വീട്ടുവൈദ്യങ്ങൾ...
തേൻ...
ഒരു ബക്കറ്റിൽ ഇളംചൂടുവെള്ളം ഒഴിക്കുക. ഇതിലേക്ക് ഒരു കപ്പ് തേൻ ഒഴിച്ച് മിക്സ് ചെയ്യുക. ഇതിലേക്ക് കാലിറക്കി വെക്കുക. ഇരുപതു മിനിറ്റോളം ഇപ്രകാരം വെക്കണം. ശേഷം കാൽ പുറത്തെടുത്ത് കഴുകാം. കാലുകൾ മൃദുവാകാനും മികച്ച വഴിയാണിത്.
ചൂടുവെള്ളം...
ഉപ്പൂറ്റിയിൽ വിണ്ടുകീറൽ ഉണ്ടെങ്കിൽ ചെറു ചൂടുവെള്ളത്തിൽ ഉപ്പിട്ട് കാലുകൾ 20 മിനിറ്റു നേരം അതിൽ മുക്കി വയ്ക്കുക. ഇതിനുശേഷം കാൽ തുടച്ച് മോയിസ്ച്വറൈസർ പുരട്ടാം.
ഗ്ലിസറിനും റോസ് വാട്ടറും...
ഗ്ലിസറിനും റോസ് വാട്ടറും അല്പം നാരങ്ങ നീരും കൂട്ടി മിക്സ് ചെയ്യുക. ഇത് കാലില്‍ വിള്ളലുള്ള ഭാഗത്ത് നല്ലതു പോലെ മസ്സാജ് ചെയ്യുക. ഉപ്പൂറ്റിയിലുണ്ടാകുന്ന വിള്ളലിന് ഇത് മികച്ചൊരു മാർഗമാണ്.
കാപ്പിപ്പൊടി...
ഇതില്‍ ഒന്ന് നമ്മുടെ കാപ്പിപ്പൊടി കൊണ്ട് ചെയ്യാവുന്നതാണ്. കാപ്പിപ്പൊടി സൗന്ദര്യ സംരക്ഷണത്തിനും മുടി സംരക്ഷണത്തിനുമെല്ലാം പല തരത്തിലും ഉപകാരപ്രദമാണ്. ഇത് നല്ലൊരു പ്രകൃതിദത്ത സ്‌ക്രബറിന്റെ ഗുണം നല്‍കുന്ന ഒന്നാണ്. കാപ്പിപൊടി ഉപയോഗിച്ച് പല സ്‌ക്രബുകളും ഫേസ് പാക്കുകളുമൊക്കെ തയ്യാറാക്കി
മുഖത്തിട്ടാൽ വളരെ വേഗം നിങ്ങൾ ആഗ്രഹിക്കുന്ന ഫലം കിട്ടും. കാപ്പിപ്പൊടിയുടെ ആന്റി ഓക്സിഡന്റ് സവിശേഷതകൾ ചർമ്മത്തിന്റെ ആരോഗ്യത്തെ സംരക്ഷിക്കുന്നതിന് വളരെയേറെ സഹായിക്കുന്നു.
ബേക്കിംഗ് സോഡ...
ഇത്തരം പ്രശ്‌നങ്ങള്‍ക്ക് പരിഹാരമാണ് ബേക്കിംഗ് സോഡ പ്രത്യേക രീതിയില്‍ ഉപയോഗിയ്ക്കുന്നത്. പാചകാവശ്യങ്ങള്‍ക്ക് ഉപയോഗിയ്ക്കുന്ന ബേക്കിംഗ് സോഡ ഈ പ്രശ്‌നത്തിനും നല്ലൊരു മരുന്നാണ്. കാല്‍പാദം വൃത്തിയാക്കാനും ഉപ്പുറ്റിയിലെ കീറലിന് പരിഹാരമായും ബേക്കിംഗ് സോഡ ഉപയോഗിയ്ക്കാം.മൃതകോശങ്ങളാണ് ഈ ഭാഗത്തെ ഇത്തരം കട്ടിയ്ക്കും വരണ്ട സ്വഭാവത്തിനും കാരണമാകുന്നത്.ബേക്കിംഗ്
സോഡ ഈ ഭാഗത്തിന് മൃദുത്വം നല്‍കുന്നു. കാല്‍പാദത്തെ മൃദുവാക്കുന്നു. ബേക്കിംഗ് സോഡ ചൂടുവെള്ളത്തില്‍ ചേര്‍ത്ത് കാല്‍ ഇതില്‍ ഇറക്കി വയ്ക്കുന്നത് കാല്‍പാദത്തിലെ ദുര്‍ഗന്ധം പോകാനും നഖങ്ങള്‍ക്കിടയിലെ അഴുക്ക് പോകാനും ചര്‍മം മൃദുവാകാനുമെല്ലാം ഏറെ നല്ലതാണ്
ഒലിവ് ഓയിൽ...
ഉപ്പൂറ്റിയിലെ വിണ്ടുകീറൽ ഒഴിവാക്കാൻ ഒലിവ് ഓയിലും മികച്ച വഴിയാണ്. അൽപം ഒലിവ് ഓയിലും ലാവെൻഡർ ഓയിലും മിക്സ് ചെയ്യുക. ശേഷം ഇതിലേക്ക് അത്ര തന്നെ വെള്ളവും ചേർത്ത് ഇളക്കുക. ഇനി ആവശ്യത്തിന് കാലിൽ പുരട്ടാം.
അരിപ്പൊടി...
നല്ലൊരു ഫൂട് സ്ക്രബ് ആണ് അരിപ്പൊടി. മൂന്ന് ടേബിൾ സ്പൂൺ അരിപ്പൊടിയിലേക്ക് ഒരു വലിയ സ്പൂൺ തേനും ഒരു സ്പൂൺ ഒലിവ് ഓയിലും രണ്ട് സ്പൂൺ വിനാഗിരിയും ചേർത്ത് മിക്സ് ചെയ്യുക. ശേഷം ഇളംചൂടുവെള്ളത്തിൽ കാൽ നനയ്ക്കാൻ വെക്കുക. അൽപസമയത്തിനുശേഷം പുറത്തെടുത്ത് ഈ മിശ്രിതം ഉപയോഗിച്ച് സ്ക്രബ് ചെയ്യുക. ഫലം കാണും.
വെളിച്ചെണ്ണ...
വെളിച്ചെണ്ണയാണ് ഇതില്‍ ഉപയോഗിയ്ക്കുന്ന മറ്റൊരു ചേരുവ. ചര്‍മസംരക്ഷണത്തിന് ഏറെ ഗുണകരമായ ഇത് ആരോഗ്യകരമായ കൊഴുപ്പുകളുടെ മിശ്രിതമാണ്. ചര്‍മത്തിന് ഈര്‍പ്പം നല്‍കുന്ന ഒന്നു കൂടിയാണിത്. കാല്‍പാദങ്ങള്‍ മൃദുവാക്കാനും വെളിച്ചെണ്ണ ഉപയോഗിയ്ക്കാം. ഉപ്പുറ്റിയില്‍ ഇതു പുരട്ടി ദിവസവും മസാജ് ചെയ്യുന്നത് ഏറെ ഗുണകരമാണ്. ഉപ്പുറ്റിയില്‍ ഉണ്ടാകാന്‍ സാധ്യതയുള്ള അണുബാധകള്‍ക്കുള്ള നല്ലൊരു പരിഹാരം കൂടിയാണ് വെളിച്ചെണ്ണ. വെളിച്ചെണ്ണ ഉപയോഗിച്ചുള്ള പായ്ക്കുകള്‍ ഈ പ്രശ്‌നത്തിന് നല്ലൊരു മരുന്നാണ്. ഇതില്‍ ഉപ്പു ചേര്‍ത്തും മറ്റുമെല്ലാം ഉപയോഗിയ്ക്കാം
ഇതിനായി ചെയ്യേണ്ടത്...
ഇതിനായി പ്രത്യേക മിശ്രിതമുണ്ടാക്കാം. കാപ്പിപ്പൊടി എടുക്കുക.നിങ്ങളുടെ കാല്‍പാദത്തില്‍ പുരട്ടാന്‍ ആവശ്യമായത്ര വേണം. ഇതില്‍ അല്പം ബേക്കിംഗ് സോഡ ചേര്‍ക്കാം. അര ടീസ്പൂണ്‍ മതിയാകും.ഇതിലേയ്ക്ക് ശുദ്ധമായ വെളിച്ചെണ്ണയും ചേര്‍ക്കാം. ഇതെല്ലാം കൂട്ടിക്കലര്‍ത്തി നല്ലൊന്നാന്തരം
പായ്ക്കാക്കാം. ഉപ്പുറ്റി നനയ്ക്കുക. തുടച്ച ശേഷം ഈ ഭാഗത്ത് ഈ പായ്ക്ക് പുരട്ടാം. ഇത് അര മണിക്കൂര്‍ സമയം ഇങ്ങനെ തന്നെയിരിയ്ക്കട്ടെ. ശേഷം നല്ലതു പോലെ സ്ക്രബ് ചെയ്ത് കഴുകാം. പിന്നീട് ഈ ഭാഗത്ത് ഏതെങ്കിലും നല്ല മോയിസ്ചറൈസര്‍ പുരട്ടി സോക്‌സിടാം. ഒറ്റ ഉപയോഗത്തില്‍ തന്നെ കാര്യമായ വ്യത്യാസം വരും. ഉപ്പുറ്റി മൃദുവാകും. വൃത്തിയാകും. കറുത്ത വിണ്ടു കീറലുകള്‍ മാറും.
ശ്രദ്ധിക്കുക : അറിവിനെ ജനകീയമാക്കുക എന്ന ലക്ഷ്യം മാത്രമാണ് ഈ പോസ്റ്റിന് ഉള്ളത്.രോഗനിർണ്ണയത്തിനും ചികിത്സയ്ക്കും പകരമാകാൻ ഉദ്ദേശിച്ചുള്ളതല്ല, കൃതഹസ്തരായ ചികിത്സകരുടെ ഉപദേശപ്രകാരം മാത്രം ഔഷധങ്ങൾ ഉപയോഗിക്കുക. കൂടുതൽ പഠനം നടത്തി നല്ലതുമാത്രം ഉപയോഗിക്കുക