ചിക്കൻ സമൂസ
സമൂസ ഇഷ്ടമില്ലാത്തവർ ഉണ്ടാവില്ല. ഇന്ന് നമുക്ക് വളരെ സ്വാദിഷ്ടമായ ചിക്കൻ സമൂസ തയ്യാറാക്കുന്നത് എങ്ങനെയാണെന്ന് നോക്കാം
ഫില്ലിംഗ് തയ്യാറാക്കാൻ ആവശ്യമുള്ള സാധനങ്ങൾ
ചിക്കൻ ഉപ്പും മഞ്ഞളും ഇട്ട് വേവിച്ചത് - 200 ഗ്രാം
പൊട്ടറ്റൊ - 1(പുഴുങ്ങി പൊടിച്ചത്)
സവാള - 1(നൈസായി അരിഞ്ഞത്)
ഇഞ്ചി -1 കഷ്ണം (പൊടിയായി അറിഞ്ഞത്)
പച്ചമുളക് - 2 എണ്ണം(എരിവിനനുസരിച്ച് കൂട്ടുകയോ കുറയ്ക്കുകയോ ആകാം)
മഞ്ഞപ്പൊടി - 1/4
മുളകുപൊടി - 1/2
കുരുമുളകുപൊടി - 1/4
ഗരംമസാലപ്പൊടി - 1/2
പെരും ജീരകം - 1 നുള്ള്
ഉപ്പ് - ആവശ്യത്തിന്
മല്ലിയില - കുറച്ച്
കുക്കിംഗ് ഓയിൽ - ആവശ്യത്തിന്
ഫില്ലിംഗ് തയാർ ആക്കുന്ന വിധം
ഒരു പാനിൽ ഓയിൽ ഒഴിച്ച് ചൂടാകുമ്പോൾ പെരുംജീരകം മൂപ്പിക്കുക. ഇതിലേയ്ക്ക് സവാള, പച്ചമുളക്, ഇഞ്ചി എന്നിവ ഇട്ട് വഴറ്റുക. പൊടികൾ എല്ലാം ചേർക്കുക.
ഇതിലേക്ക് വേവിച്ച ചിക്കൻ പിച്ചിക്കീറിയിടുക,
പുഴുങ്ങി പൊടിച്ചു വച്ചിരിക്കുന്ന പൊട്ടറ്റോയും മല്ലിയിലയും ചേർത്ത് ഇളക്കി യോജിപ്പിക്കുക,
സ്റ്റൗ ഓഫ് ചെയ്യുക. ഇപ്പോൾ ഫില്ലിംഗ് റെഡി ആയിക്കഴിഞ്ഞു.
ഇനി സമൂസ ചൂട് തയ്യാറാക്കാം
മൈദ - 2 കപ്പ്(ആട്ടയും ഉപയോഗിയ്ക്കാം കെട്ടൊ ടേസ്റ്റിൽ കുറച്ച് വ്യത്യാസം വരും എന്നേയുള്ളൂ)
ഉപ്പ് - ആവശ്യത്തിന്
കുക്കിംഗ് ഒയിൽ - 1 ടേബിൾസ്പൂൺ
ഐസ് വാട്ടർ - കുഴയ്ക്കാൻ ആവശ്യത്തിന്(ഐസ് വാട്ടർ കൊണ്ട് കുഴച്ചാൽ സമൂസയ്ക്ക് നല്ല ക്രിസ്പിൻസ് കിട്ടും)
ഇതെല്ലാം കൂടെ ചപ്പാത്തിയ്ക്ക് കുഴയ്ക്കുന്നതുപോലെ കുറച്ച് ടൈറ്റ് ആയി കുഴയ്ക്കുക. ഇത് 1/2 മണിക്കൂർ റെസ്റ്റ് ചെയ്യാൻ വയ്ക്കുക.
അതിനുശേഷം ഉരുളകളാക്കി ഓരോ ഉരുളയും കനം കുറച്ച് പരത്തുക. ഇത് ഒരു ചൂടായ തവയിലിട്ട് തിരിച്ചും മറിച്ചും ഒന്നു ചൂടാക്കി വയ്ക്കുക. (ശ്രദ്ധിക്കുക ചൂടാക്കാനേ പാടുള്ളൂ വെന്തു പോകരുത്)
പിന്നീട് ഓരോന്നും 4 ഭാഗം ആയി മുറിച്ചു വയ്ക്കുക.
ഇനി സമൂസ ഒട്ടിക്കാൻ വേണ്ടി 4 ടേബിൾസ്പൂൺ മൈദയും ഒരു നുള്ള് ഉപ്പും ചേർത്ത് കട്ടിയുള്ള ബാറ്റർ തയ്യാറാക്കി വയ്ക്കുക.
സമൂസ തയ്യാർ ആക്കുന്ന വിധം
മുറിച്ചു വച്ചിരിയ്ക്കുന്ന സമൂസ തീയിൽ ഒന്നെടുത്ത് പകുതിയ്ക്ക് കുനീൽ(ചോർപ്പ്) പോലെ മടക്കുക. പകുതിയ്ക്ക് ശേഷം അരികിൽ മൈദ പശ തേച്ചു കൊടുക്കുക. ഇനി ഇതിലേയ്ക്ക് തയ്യാറാക്കി വച്ചിരിക്കുന്ന ഫില്ലിംഗ് വയ്ക്കുക. ഇനി തുറന്ന വശമെല്ലാം ഒട്ടിയ്ക്കുക. ഓരോന്നും ഇതുപോലെ ചെയ്യുക.
ശേഷം തിളച്ച എണ്ണയിൽ മീഡിയം ഫ്ലൈമിൽ ഫ്രൈ ചെയ്തെടുക്കുക.