ഭക്ഷണത്തിൽ നിന്നും ഗുണങ്ങൾ ലഭിക്കാനായി ഈ കാര്യങ്ങൾ ശ്രദ്ധിക്കാം

കഴിക്കുന്ന ഭക്ഷണത്തിൻ്റെ മുഴുവൻ ഗുണവും പിടിച്ചെടുക്കാം; ഏഴ് ടിപ്സ്

🍏🥕🍳🥞🍞🍟🍔🥘🥗

🄰🅁🄸🅅🅄✒️ 🄰🄰🅁🄾🄶🅈🄰🄼

നമ്മൾ എന്താണോ കഴിക്കുന്നത് അതുതന്നെയാണ് നമ്മൾ ഭക്ഷണത്തെ കുറിച്ച് ഏറ്റവും ലളിതമായി വിദഗ്ധർ വിശേഷിപ്പിക്കുന്നു. നൂറ് ശതമാനവും വസ്തുതാപരമായ വിലയിരുത്തലാണിത്. നമ്മുടെ മാനസികവുമായ ആരോഗ്യത്തെ വലിയ രീതിയിൽ ശാരീരിക നിർണയിക്കുന്നത് ഡയറ്റ് തന്നെയാണ്. 

എങ്കിലും ചില കാര്യങ്ങൾ ശ്രദ്ധിച്ചില്ലെങ്കിൽ കഴിക്കുന്ന ഭക്ഷണത്തിൻ്റെ മുഴുവൻ ഗുണവും ലഭിക്കാതെ പോകാം. ഇത് കഴിക്കാനായി തിരഞ്ഞെടുക്കുന്ന ഭക്ഷണത്തിൻ്റെ പോരായ്കയോ, അളവിലെ വ്യത്യാസമോ, കഴിക്കുന്ന രീതിയിലെ പ്രശ്‌നമോ ഒക്കെയാകാം. ഇവിടെയാണ് 'മൈൻഡ്ഫുൾ ഈറ്റിംഗ്' എന്ന രീതിയുടെ പ്രാധാന്യം വരുന്നത്. 

മനസറിഞ്ഞ് ഭക്ഷണം കഴിക്കുക എന്ന നാടൻ പ്രയോഗത്തെ മറ്റൊരു രീതിയിൽ പറഞ്ഞാൽ 'മൈൻഡ്ഫുൾ ഈറ്റിംഗ്' ആയി. ഇത്തരത്തിൽ മനസിനെ കൂടി അർപ്പിച്ച് ഭക്ഷണം കഴിക്കുമ്പോൾ അത് ആരോഗ്യത്തിന് ഇരട്ടിഗുണം ആണ് എന്ന് ന്യൂട്രീഷ്യനിസ്റ്റുകൾ അവകാശപ്പെടുന്നു. ഇത് സഹായകമായ ഏഴ് ടിപ്സ് ആണ് ഇനി പങ്കുവയ്ക്കുന്നത്. 

1.നിശ്ചിത സമയത്തിനുള്ളിൽ ഭക്ഷണം കൃത്യമായി കഴിക്കുക. ഉദാഹരണത്തിന് ദിവസത്തിൽ പത്ത് മണിക്കൂർ സമയത്തിനുള്ളിൽ മാത്രം ഭക്ഷണം കഴിപ്പ് ഒതുക്കാം. ഇതുതന്നെ ഇടവിട്ട് കഴിക്കുമ്പോൾ ചെറിയ അളവിലായി വേണം കഴിക്കാൻ. 

2.കുടിവെള്ളം ഏറെ പ്രധാനമാണെന്ന് മനസിലാക്കുക. ദാഹം തോന്നുമ്പോഴും ചിലർ അത് വിശപ്പായി തെറ്റിദ്ധരിച്ച് ഭക്ഷണം കഴിക്കാറുണ്ട്. ഇതൊരു സാധാരണ ഡയറ്റ് മിസ്റ്റേക്ക് ആണെന്നാണ് ന്യൂട്രിഷ്യനിസ്റ്റുകൾ അവകാശപ്പെടുന്നത്. അതായത് ഒട്ടുമിക്കയാളുകളും വരുത്തുന്നൊരു തെറ്റ്. അതിനാൽ തന്നെ ദാഹിക്കുമ്പോൾ വെള്ളം കുടിച്ചുകൊണ്ടിരിക്കുക. ശരീരത്തിൽ ജലാംശം എപ്പോഴും നിലനിർത്തുക. അങ്ങനെയാകുമ്പോൾ അമിതമായി ഭക്ഷണം കഴിക്കുന്ന രീതി ഒഴിവാക്കാം. 

3.ആദ്യമേ സൂചിപ്പിച്ചത് പോലെ ഭക്ഷണത്തിൻ്റെ അളവ് എപ്പോഴും ശ്രദ്ധിക്കുക. ഒരു നേരം തന്നെ ഒരുപാട് കഴിക്കാതിരിക്കുക. ഇടവേളയെടുത്ത് അൽപാൽപമായി കഴിക്കാം. 

4.ഭക്ഷണം കഴിക്കുമ്പോൾ ടിവി കാണുക, വായിക്കുക, മറ്റ് ഗാഡ്ഗേറ്റുകളുടെ ഉപയോഗം പരമാവധി ഒഴിവാക്കുക. കഴിക്കുമ്പോൾ ഭക്ഷണത്തിലേക്ക് മാത്രം ശ്രദ്ധ നൽകുക. അല്ലാത്ത അമിതമായ അളവിൽ ഭക്ഷണം കഴിക്കാനിടയാവുകയും ദഹനപ്രശ്നം നേരിടുകയും ആവശ്യത്തിന് പോഷകങ്ങൾ ഭക്ഷണത്തിൽ വലിച്ചെടുക്കുന്നതിൽ ശരീരം പരാജയപ്പെടുകയും ചെയ്‌തേക്കാം. 

5.കഴിക്കുമ്പോൾ ഭക്ഷണം നന്നായി ചവച്ചരച്ച ശേഷം മാത്രമേ ഇറക്കാവൂ എന്ന് പറയുന്നത് കേട്ടിട്ടില്ലേ? ഇത് കൃത്യമായും പാലിക്കേണ്ട ഒന്നാണ്. 

കാരണം ദഹനപ്രവർത്തനത്തിൻ്റെ ആദ്യഘട്ടം വായക്കത്ത് വച്ച് തന്നെയാണ് സംഭവിക്കേണ്ടത്. ഈ ഭക്ഷണം നല്ലത് പോലെ ചവച്ചരച്ച് വിഘടിപ്പിക്കേണ്ടതുണ്ട്. അതുപോലെ തന്നെ ഭക്ഷണത്തിൻ്റെ മുഴുവൻ ഗുണവും ശരീരത്തിന് ലഭിക്കാനും അമിതമായി കഴിക്കുന്നത് ഒഴിവാക്കാനുമെല്ലാം ഈ രീതി സഹായിക്കും. 

6.കഴിക്കാനായി തിരഞ്ഞെടുക്കുന്ന ഭക്ഷണത്തിൻ്റെ ഗുണമേന്മ ഉറപ്പിക്കുന്നതിനൊപ്പം തന്നെ കഴിക്കുമ്പോഴുള്ള മാനസികാവസ്ഥയും വളരെ പ്രധാനമാണ്. കഴിയുന്നതും സ്വസ്ഥവും സന്തോഷവും നിറഞ്ഞ മനസോടെ വേണം ഭക്ഷണം കഴിക്കാൻ. എങ്കിൽ മാത്രമേ ഭക്ഷണത്തിലടങ്ങിയിരിക്കുന്ന പോഷകങ്ങൾ കൃത്യമായി ശരീരത്തിലെത്തൂ. എന്ന് മാത്രമല്ല, സമ്മർദ്ദത്തിലോ നിരാശയിലോ എല്ലാം ഇരിക്കുമ്പോൾ കഴിക്കുന്ന ഭക്ഷണം ഒരുക്ഷേ ശരീരത്തിന് 'നെഗറ്റീവ്' ഫലവും ഉണ്ടാക്കാം. ഉദാഹരണത്തിന് നീണ്ടുനിൽക്കുന്ന ദഹനപ്രശ്നങ്ങൾ. 

7.ഗുണമേന്മയില്ലാത്തതോ, ആരോഗ്യത്തിന് ഭീഷണി ഉയര്‍ത്തുന്നതോ ആയ ഭക്ഷണങ്ങള്‍ പരമാവധി വാങ്ങി, വീട്ടില്‍ സൂക്ഷിക്കാതിരിക്കുക. ഇതും ന്യൂട്രീഷ്യനിസ്റ്റുകള്‍ സര്‍വസാധാരാണമായി നല്‍കാറുള്ളൊരു ടിപ് ആണ്. മോശം ഭക്ഷണപദാര്‍ത്ഥങ്ങള്‍ വീട്ടില്‍ സൂക്ഷിക്കുകയാണെങ്കില്‍ അത് നമ്മള്‍ കഴിക്കാനുള്ള സാധ്യത കൂടുതലാണ്. എത്ര ശ്രമിച്ചാലും ചില സന്ദര്‍ഭങ്ങളില്‍ നിയന്ത്രിക്കാന്‍ കഴിയാതെയാകും. അതിനാല്‍ 'ഹെല്‍ത്തി' ആയി ഷോപ്പിംഗ് നടത്താന്‍ ശ്രമിക്കുക.

🄰🅁🄸🅅🅄✒️ 🄰🄰🅁🄾🄶🅈🄰🄼

🍏Natural Health Tips🌴