നാലു വയസുകാരി നാണയങ്ങൾ വിഴുങ്ങി; പുറത്തെടുത്തത് എൻഡോസ്‌കോപിയിലൂടെ
മലപ്പുറം: നാല് വയസുകാരി അബദ്ധത്തിൽ വിഴുങ്ങിയ രണ്ടു നാണയങ്ങളും എൻഡോസ്‌കോപിയിലൂടെ പുറത്തെടുത്തു. മണ്ണാർക്കാട് സ്വദേശികളായ ദമ്പതികളുടെ പെൺകുഞ്ഞാണ് കളിച്ചുകൊണ്ടിരിക്കെ നാണയങ്ങൾ വിഴുങ്ങിയത്. രണ്ടു രൂപയുടെയും ഒരു രൂപയുടെയും നാണയങ്ങളാണ് കുട്ടി അബദ്ധത്തിൽ വിഴുങ്ങി പോയത് . പെരിന്തൽമണ്ണ അസൻറ് ഇ എൻ ടി ആശുപത്രിയിലെ മെഡിക്കൽ സംഘമാണ് നാണയങ്ങൾ പുറത്തെടുത്തത്.
വീട്ടിൽ മറ്റു കുട്ടികൾക്കൊപ്പം കളിക്കുന്നതിനിടെയാണ് കുട്ടി നാണയങ്ങൾ അബദ്ധത്തിൽ കുട്ടി വിഴുങ്ങിയത്. പരിഭ്രാന്തരായ വീട്ടുകാർ മണ്ണാർക്കാട് താലൂക്ക് ആശുപത്രിയിൽ എത്തിച്ചെങ്കിലും അസന്റ് ഇ എൻ ടി ആശുപത്രിയിലേക്ക് അയക്കുകയായിരുന്നു. സർജൻ ഡോ എൻ വി ദീപ്തി, ഡോ യദുകൃഷ്ണൻ, അനസ്‌തേഷ്യ മേധാവി ഡോ സി എച്ച് ഷബീറലി എന്നിവർ നേതൃത്വം നൽകി.