ഇപ്പോഴിതാ സിംഹക്കൂട്ടില്‍ കൈയ്യിടുന്ന യുവാവിന്റെ ദൃശ്യങ്ങളാണ് സോഷ്യല്‍ മീഡിയയില്‍ ശ്രദ്ധ നേടുന്നത്. ട്വിറ്ററില്‍ ഉള്‍പ്പെടെ ദൃശ്യങ്ങള്‍ പ്രചരിച്ചതിന് പിന്നാലെ യുവാവിനെതിരെ വ്യാപക വിമര്‍ശനമാണ് ഉയരുന്നത്. എന്നാല്‍ സംഭവം എവിടെയാണ് നടന്നതെന്ന് വ്യക്തമാക്കിയിട്ടില്ല.
വീഡിയോയില്‍ കൂട്ടിട്ടകനത്ത് കൈയ്യിട്ട് സിംഹത്തെ പ്രകോപിപ്പിക്കുന്ന യുവാവിനെയാണ് ദൃശ്യത്തില്‍ കാണുന്നത്. കൂടിനകത്തേക്ക് കൈയ്യിട്ട് സിംഹത്തെ പിടിക്കാന്‍ യുവാവ് ശ്രമിക്കുന്നതും ദൃശ്യത്തില്‍ കാണാം. സിംഹം ആദ്യം ഒന്നും ചെയ്തില്ലെങ്കിലും പിന്നാലെ അതിന്റെ സ്വഭാവം മാറി. പെട്ടന്ന് കൈയ്യില്‍ കടിച്ചു. കുതറി മാറാന്‍ ശ്രമിക്കുന്ന യുവാവിന് അത് സാധിക്കുന്നില്ല. സിംഹത്തിന്റെ പല്ലുകള്‍ക്കിടയില്‍ അയാളുടെ കൈ കുടുങ്ങി. ഒരുപാട് പണിപ്പെട്ടാണ്‌സിംഹത്തിന്റെ വായില്‍ നിന്ന് യുവാവിന് കൈ വിടുവിക്കാന്‍ കഴിഞ്ഞത്. എന്നാല്‍ കൈയ്ക്ക് എത്രത്തോളം പരിക്കേറ്റിട്ടുണ്ട് എന്നത് വ്യക്തമല്ല.
വീഡിയോ വൈറലായതോടെ യുവാവിന്റെ പ്രവൃത്തിക്കെതിരെ നിരവധി ആളുകളാണ് കമന്റുകളുമായി എത്തിയത്. യുവാവ് രക്ഷപ്പെട്ടത് ഭാഗ്യം കൊണ്ടാണെന്നും ഇത്തരത്തിലുള്ള പ്രവൃത്തികള്‍ ചെയ്യുന്നവര്‍ക്ക് ഇത് ഒരു പാഠം ആണെന്നും ഉള്‍പ്പെടെ നിരവധി കമന്റുകളാണ് വീഡിയോയ്ക്ക് ലഭിക്കുന്നത്.ഈ യുവാവിനെ ജയിലിൽ അടക്കണം എന്നാണ് ചിലർ അഭിപ്രായപെടുന്നത്.
