പുന്നാരപ്പെങ്ങളുടെ വിവാഹം, സഹോദരന്റെ പ്രകടനം കണ്ട് കണ്ണ് നനഞ്ഞ് കല്ല്യാണപ്പെണ്ണും അതിഥികളും, വീഡിയോ വൈറൽ
സഹോദരി വിവാഹം കഴിഞ്ഞ് വീടുവിട്ട് ഭർത്താവിന്റെ വീട്ടിലേക്ക് പോകുമ്ബോള്‍ മിക്കവാറും സഹോദരന്മാർ കരഞ്ഞുപോകാറുണ്ട്. അതുവരെ വഴക്കൊക്കെ കൂടുമായിരുന്നു എങ്കിലും അവർ ദൂരേക്ക് പോകുമ്ബോഴാണ് പലപ്പോഴും അതിന്റെ വേദന മനസിലാവുക. അതുപോലെ ഒരു വീഡിയോയാണ് ഇപ്പോള്‍ സോഷ്യല്‍ മീഡിയയിലൂടെ ആളുകളുടെ ഹൃദയത്തെ സ്പർശിച്ചു കൊണ്ടിരിക്കുന്നത്. വീഡിയോ ഇൻസ്റ്റഗ്രാമില്‍ പങ്കുവച്ചിരിക്കുന്നത് cheenadasani
and jainisakhariya എന്ന യൂസറാണ്.
ഇവിടെ പരസ്യങ്ങൾ കാണിക്കുന്നതിനായി ക്ലിക്ക് ചെയ്യുക ⤵️
വീഡിയോയില്‍ സഹോദരിയുടെ വിവാഹച്ചടങ്ങുകള്‍ നടക്കുകയാണ്. അപ്പോഴാണ് 'രക്ഷാ ബന്ധൻ' എന്ന ചിത്രത്തിലെ പാട്ടിന് ചുവടുകളുമായി സഹോദരൻ എത്തുന്നത്. വളരെ വികാരത്തോടും ഹൃദയം നിറഞ്ഞുമാണ് സഹോദരന്റെ പ്രകടനം. ഇതോടെ സഹോദരിയുടെ കണ്ണുകള്‍ നിറയുന്നതും വീഡിയോയില്‍ കാണാം. സഹോദരിയുടേത് മാത്രമല്ല, അവിടെ കൂടിനിന്ന പലരുടേയും മിഴികള്‍ നിറഞ്ഞിട്ടുണ്ട്. ഒരുപക്ഷേ, വീഡിയോ കാണുന്നവരുടെയും മിഴികള്‍ ഒന്ന് നനഞ്ഞുപോയേക്കാം.
അവസാനം സഹോദരൻ ഒരു റോസാപ്പൂ കോർത്ത മാല സഹോദരിയുടെ കഴുത്തില്‍ അണിയിക്കുന്നതും വീഡിയോയില്‍ കാണാം. വളരെ പെട്ടെന്നാണ് വീഡിയോ സോഷ്യല്‍ മീഡിയയില്‍ വൈറലായിത്തീർന്നത്. ഒരുപാട് പേരാണ് വീഡിയോയ്ക്ക് കമന്റുകളുമായി എത്തിയത്. 'ഇത് കണ്ട് തന്റെ വിവാഹദിനം ഓർമ്മ വന്നു' എന്നാണ് ഒരു യൂസർ കമന്റ് നല്‍കിയത്. 'തികച്ചും വൈകാരികമായ രംഗം' എന്നാണ് മറ്റൊരാളുടെ കമന്റ്.