'കാതൊന്ന് കുത്തീട്ട് കമ്മലണിഞ്ഞീട്ട്' കാത് കുത്തുന്ന വീഡിയോ ഇന്‍സ്റ്റായില്‍ പങ്കുവെച്ച്‌ ലേഡി സൂപ്പര്‍സ്റ്റാര്‍; കമ്മലിന്റെ വില ലക്ഷങ്ങള്‍: വീഡിയോ ഏറ്റെടുത്ത് ആരാധകര്‍
ഇപ്പോഴിതാ നയൻസിന്റെ തന്നെയൊരു വീഡിയോയാണ് ശ്രദ്ധനേടുന്നത്.
നയൻതാര മേക്കാത് കുത്തുന്ന വീഡിയോയാണ് പുറത്തു വന്നിരിക്കുന്നത്. നയൻസ് തന്നെയാണ് വീഡിയോ ഷെയർ ചെയ്തിരിക്കുന്നതും. കാതു കുത്തുന്നതിലെ ടെൻഷനും ക്യൂട്ട് എക്സ്പ്രഷനുകളും കൊണ്ട് സമ്ബന്നമാണ് വീഡിയോ.
അതിനോടൊപ്പം ആവേശം എന്ന സൂപ്പർ ഹിറ്റ് ചിത്രത്തിലെ ഇലുമിനാറ്റി ഗാനവും പശ്ചാത്തലത്തില്‍ ഉള്‍പ്പെടുത്തിയിട്ടുണ്ട്. മേക്കാതില്‍ രണ്ടിടത്താണ് നയൻസ് കമ്മലിട്ടത്. അതും ഡയമണ്ട്. ഒരു ലക്ഷം വീതമാണ് കമ്മലുകളുടെ വില എന്നാണ് റിപ്പോർട്ടുകള്‍. വീഡിയോ ഇതിനോടകം സോഷ്യല്‍ മീഡിയയില്‍ വൈറലായി കഴിഞ്ഞിട്ടുണ്ട്.
അതേസമയം, ലവ് ഇൻഷുറൻസ് കമ്ബനി എന്ന ചിത്രത്തിന്‍റെ നിര്‍മാണത്തിലാണ് നയന്‍താര. റൗഡി പിക്ചേര്‍സിന്‍റെ ബാനറില്‍ നയന്‍താരയാണ് ചിത്രം നിര്‍മ്മിക്കുന്നത്. വിഗ്നേഷ് ശിവനാണ് സംവിധാനം നിര്‍വ്വഹിക്കുന്നത്. ലിയോ ചിത്രത്തിന്‍റെ നിര്‍മ്മാതാവ് എസ്‌എസ് ലളിത് കുമാര്‍ ചിത്രത്തിന്‍റെ സഹ നിര്‍മ്മാതാവാണ്. 'ഡിയർ സ്റ്റുഡൻസ്' എന്ന മലയാള ചിത്രവും നയന്‍സിന്‍റേതായി പ്രഖ്യാപിച്ചിട്ടുണ്ട്.
'ലൗ ആക്ഷൻ ഡ്രാമ'ക്ക് ശേഷം നിവിൻ പോളി-നയൻതാര കോമ്ബോ വീണ്ടും ഒന്നിക്കുന്നു എന്ന പ്രത്യേകതയും സിനിമയ്ക്ക് ഉണ്ട്. ജോർജ് ഫിലിപ്പ് റോയ്, സന്ദീപ് കുമാർ എന്നിവർ ചേർന്നാണ് സംവിധാനം നിർവഹിച്ചിരിക്കുന്നത്. കർമ്മ മീഡിയ നെറ്റ്‌വർക്ക് എല്‍ എല്‍ പി, അള്‍ട്രാ എന്നിവയുമായ് സഹകരിച്ച്‌ പോളി ജൂനിയർ പിക്‌ചേഴ്‌സാണ് ചിത്രം നിർമ്മിക്കുന്നത്.
2019 സെപ്റ്റംബർ 5നാണ് ധ്യാൻ ശ്രീനിവാസന്റെ സംവിധാനത്തിലെത്തിയ 'ലൗ ആക്ഷൻ ഡ്രാമ' റിലീസ് ചെയ്യുന്നത്. ചിത്രത്തിലെ നിവിൻ പോളി-നയൻതാര കോമ്ബോക്ക് വലിയ സ്വീകാര്യതയാണ് പ്രേക്ഷകരില്‍ നിന്നും ലഭിച്ചത്.