ഒക്ടോബർ, നവംബർ മുതല്‍ ഡിസംബർ, ജനുവരി വരെയുള്ള മാസങ്ങള്‍ കേരളത്തില്‍ പാമ്ബുകളുടെ ഇണചേരല്‍ കാലമാണെന്നും ജനങ്ങള്‍ ജാഗ്രത പാലിക്കണമെന്നും അധികൃതരും വിദഗ്ധരും മുന്നറിയിപ്പ് നല്‍കുന്നു.
ഈ കാലയളവില്‍ പാമ്ബുകള്‍ പതിവിലധികം പുറത്തിറങ്ങുകയും ആക്രമണ സ്വഭാവം കാണിക്കുകയും ചെയ്യുന്നത് സാധാരണമാണ്.
കേരളത്തില്‍ ഏറ്റവുമധികം കാണപ്പെടുന്ന വിഷപ്പാമ്ബുകള്‍ രാജവെമ്ബാല, മൂർഖൻ, അണലി, മണ്ഡലി, വെള്ളിക്കെട്ടൻ തുടങ്ങിയവയാണ്. പെണ്‍പാമ്ബുകള്‍ ഒളിഞ്ഞിരിക്കുന്ന സ്ഥലങ്ങളിലേക്ക് ആണ്‍പാമ്ബുകള്‍ ഇണചേരലിനായി എത്തുന്നതോടെ ഒരു സ്ഥലത്ത് ഒന്നിലധികം പാമ്ബുകളെ കാണാനുള്ള സാധ്യത വർദ്ധിക്കുന്നു. ഇതിനോടൊപ്പം, പ്രത്യേകിച്ച്‌ രാജവെമ്ബാലകള്‍ പോലുള്ള വലിയ പാമ്ബുകള്‍, ഇണ തേടി ഒരു പ്രദേശത്തുനിന്ന് മറ്റൊരു പ്രദേശത്തേക്ക് സഞ്ചരിക്കുന്നതിനിടയില്‍ ജനവാസ കേന്ദ്രങ്ങളിലൂടെ കടന്നുപോകാറുണ്ട്.
രാത്രികാലങ്ങളില്‍ വെള്ളിക്കെട്ടനെ കാണാനുള്ള സാധ്യത കൂടുതലാണ്. അണലികള്‍ പകല്‍ സമയത്തും ഇണചേരല്‍ കാലത്ത് പുറത്തിറങ്ങുന്നത് സാധാരണമാണ്. രാജവെമ്ബാലകളും ഇണചേരല്‍ കാലത്ത് സജീവമാകും. പെണ്‍ പാമ്ബുകളുടെ ഫിറോമോണുകള്‍ ആകർഷണമായി ആണ്‍ പാമ്ബുകള്‍ അവയെ തേടി പലയിടത്തും എത്തും. ഇത് പലപ്പോഴും ഇണചേരല്‍ക്കുള്ള പോരിലേക്ക് നയിക്കും.
രാജവെമ്ബാലകള്‍ 12 കിലോമീറ്റർ വരെ ദൂരം സഞ്ചരിക്കാൻ കഴിവുള്ളവയാണ്. ഇവ ഇണയെ തേടി വനപ്രദേശങ്ങളില്‍ നിന്ന് ജനവാസ മേഖലയിലേക്ക് കടന്നു വരാറുണ്ട്. വീടുകളിലെ പൊത്തുകളിലും മറ്റ് ഒളിത്താവളങ്ങളിലും പാമ്ബുകള്‍ അഭയം തേടുന്നത് സാധാരണമാണ്.
ശ്രദ്ധിക്കുക
കേരളത്തില്‍ കാണപ്പെടുന്ന പാമ്ബുകളില്‍ ഭൂരിഭാഗവും വിഷമില്ലാത്തവയാണെങ്കിലും, വിഷമുള്ള പാമ്ബുകളുടെ കടിയേല്‍ക്കുന്ന സാധ്യതയും തള്ളിക്കളയാനാവില്ല.
* കെട്ടിടങ്ങളുടെ മുകളില്‍ വളരുന്ന മരങ്ങളുടെ ശിഖരങ്ങള്‍ വെട്ടിമാറ്റുക.
* വള്ളിച്ചെടികള്‍ ജനലുകളിലോ എയർ ഹോളുകളിലോ എത്താതെ നോക്കുക.
* ഇഷ്ടികകള്‍, വിറക്, കല്ലുകള്‍ എന്നിവ വീടിനു സമീപം അലക്ഷ്യമായി കൂട്ടിയിടരുത്.
* ഭക്ഷണാവശിഷ്ടങ്ങള്‍ ശരിയായി സംസ്കരിക്കുക.
* വീടിന്റെ ഉള്‍ഭാഗവും പരിസരവും വൃത്തിയായി സൂക്ഷിക്കുക.
* ഷൂസ്, ചെരുപ്പുകള്‍ ധരിക്കുന്നതിന് മുമ്ബ് ശ്രദ്ധിക്കുക.
* ഡ്രെയിനേജ് പൈപ്പുകള്‍ മൂടി സൂക്ഷിക്കുക.
* വീടിന്റെ വാതിലുകള്‍ക്ക് താഴെ വിടവില്ലാത്ത പാളികള്‍ സ്ഥാപിക്കുക.
* രാത്രിയില്‍ വീടിന്റെ ചുറ്റുപാടും വെളിച്ചം ഉറപ്പാക്കുക.
* വീടിനു മുന്നിലുള്ള ചെടിച്ചട്ടികള്‍ പരിശോധിക്കുക.
* പാമ്ബുകള്‍ക്ക് ഒളിഞ്ഞിരിക്കാൻ ഇടമില്ലാത്ത വിധം വീടും പരിസരവും വൃത്തിയായി സൂക്ഷിക്കുക.
* ഉയർന്ന പുല്ലുകള്‍ വെട്ടിമാറ്റുക: പുല്ലുകള്‍ക്കിടയില്‍ പാമ്ബുകള്‍ ഒളിക്കാൻ സാധ്യതയുണ്ട്.
* പാമ്ബുകളെ കാണാതെ പെട്ടെന്ന് ചവിട്ടിപോകാതിരിക്കാൻ ചെരുപ്പ് ധരിക്കുക.
* കുട്ടികള്‍ക്ക് പാമ്ബുകളെ കുറിച്ച് അപകടം ഉണ്ടാക്കുന്നവരാണെന്ന് പഠിപ്പിക്കുക.
* വനംവകുപ്പ് പുറപ്പെടുവിക്കുന്ന മുന്നറിയിപ്പുകള്‍ കർശനമായി പാലിക്കുക.
ഇണചേരല്‍ കാലത്ത് പാമ്ബുകളെ കാണുന്നത് സാധാരണമാണ്. എന്നാല്‍, അവയെ അനാവശ്യമായി പ്രകോപിപ്പിക്കാതെ സുരക്ഷിതമായി ഇരിക്കാൻ ശ്രദ്ധിക്കുക. പാമ്ബുകളെ കണ്ടാല്‍ സ്വയം പിടിക്കാൻ ശ്രമിക്കാതെ ഉടൻ തന്നെ വിദഗ്ധരുടെ സഹായം തേടുക. പാമ്ബുകടിയേറ്റാല്‍ ഉടൻ തന്നെ ചികിത്സ തേടുക.