ആമസോണിലെ ഇന്നത്തെ വമ്പിച്ച ഓഫറുകൾ അറിയാനായി ഇവിടെ ക്ലിക്ക് ചെയ്യുക
ഇങ്ങനെ മൃഗങ്ങളുടെയും പക്ഷികളുടെയും കാടിന്റെയും എല്ലാം നിരവധി വീഡിയോകള്‍ സോഷ്യല്‍ മീഡിയയില്‍ ഷെയർ ചെയ്യാറുണ്ട് 'നേച്ചർ ഈസ് അമേസിങ്' എന്ന അക്കൗണ്ട്. അതില്‍ നിന്നുള്ള പല വീഡിയോകളും സോഷ്യല്‍ മീഡിയയില്‍ വൈറലായി മാറാറുണ്ട്. അതുപോലെ ഒരു വീഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറലായി കൊണ്ടിരിക്കുന്നത്.
ഒരു ദിവസം നിങ്ങള്‍ വീട്ടിലെത്തി താക്കോലിട്ട് വാതില്‍ തുറക്കുന്നു. എന്നാല്‍, തുറക്കുന്ന ഉടനെ നിങ്ങള്‍ കാണുന്നത് നിങ്ങള്‍ക്ക് നേരെ തുറിച്ചു നോക്കുന്ന രണ്ട് കണ്ണുകളാണ്. അതും മനുഷ്യരുടെ കണ്ണുകളല്ല, ഒരു കടുവയുടെ കണ്ണുകള്‍. എന്തായിരിക്കും നിങ്ങളുടെ അവസ്ഥ. ഓടുന്ന വഴിക്ക് പുല്ലുപോലും മുളക്കില്ല അല്ലേ? അത് തന്നെയാണ് ഈ വീഡിയോയിലും കാണുന്നത്.
ഒരു സ്ത്രീ താക്കോല്‍ ഉപയോഗിച്ച്‌ ഒരു വാതില്‍ തുറക്കുന്നതാണ് വീഡിയോ തുടങ്ങുമ്ബോള്‍ തന്നെ കാണുന്നത്. അപ്പോള്‍ അപ്പുറത്ത് അവരെ തുറിച്ച്‌ നോക്കി നില്‍ക്കുന്ന കണ്ണുകള്‍ കാണാം. അവർ വാതില്‍ കുറച്ചുകൂടി തുറക്കുമ്ബോഴാണ് അത് കടുവയാണ് എന്ന് വ്യക്തമായി കാണുന്നത്.
എന്നാല്‍, അവർ പെട്ടെന്ന് വാതില്‍ വലിച്ചടക്കുന്നില്ല, ഒന്നുകൂടി തുറക്കാൻ നോക്കുമ്ബോള്‍ കടുവ മുന്നോട്ടായുന്നതും അവർ അപ്പോള്‍ തന്നെ വാതില്‍ അടയ്ക്കുന്നതുമാണ് വീഡിയോയില്‍ കാണുന്നത്.
വീഡിയോ വളരെ പെട്ടെന്നാണ് സോഷ്യല്‍ മീഡിയയില്‍ ശ്രദ്ധിക്കപ്പെട്ടത്. 'നിങ്ങള്‍ നിങ്ങളുടെ വാതില്‍ തുറക്കുമ്ബോള്‍ ഇങ്ങനെയൊരു കാഴ്ചയാണ് കാണുന്നത് എന്ന് സങ്കല്പിക്കൂ, എന്ത് ചെയ്യും' എന്നാണ് വീഡിയോയുടെ കാപ്ഷനില്‍ ചോദിച്ചിരിക്കുന്നത്. നിരവധിപ്പേർ ഇതിന് കമന്റുകള്‍ നല്‍കിയിട്ടുണ്ട്. കുറച്ചുപേർ രസകരമായ കമന്റുകള്‍ നല്‍കിയപ്പോള്‍ മറ്റ് ചിലർ പേടിയാണ് പങ്കുവച്ചത്. എന്തായാലും, ഈ വീഡിയോ പകർത്തിയത് എവിടെ നിന്നാണ് എന്ന് വ്യക്തമല്ല.
ഇവരുടെ ധൈര്യം സമ്മതിക്കണം എന്നും ഞങ്ങളായിരുന്നെങ്കിൽ പേടിച്ചോടുമായിരുന്നും എന്നും ചിലർ കമന്റുകൾ രേഖപ്പെടുത്തി.