സ്ട്രെസ് ഹോർമോണായ ഉയർന്ന കോർട്ടിസോളിന്റെ അളവ് അമിതമായ വിയർപ്പിന് കാരണമാകുകയും ശരീരത്തില്‍ ദുർഗന്ധം ഉണ്ടാക്കുകയും ചെയ്യും.
ഇതിനെ ചെറുക്കുന്നതിന്, ശുചിത്വത്തില്‍ മാത്രമല്ല, ജീവിതശൈലിയിലൂടെയും ഭക്ഷണക്രമത്തിലൂടെയും കോർട്ടിസോളിന്റെ അളവ് നിയന്ത്രക്കുന്നതിനും ശ്രദ്ധിക്കണം. കോർട്ടിസോള്‍ സന്തുലിതമാക്കുന്നതിനും ശരീര ദുർഗന്ധം ഒഴിവാക്കുന്നതിനുമുള്ള 9 ജീവിതശൈലി മാറ്റങ്ങളെക്കുറിച്ച്‌ ഡയറ്റീഷ്യൻ മൻപ്രീത് കല്‍റ ഇൻസ്റ്റഗ്രാം വീഡിയോയില്‍ വിശദീകരിച്ചിട്ടുണ്ട്.
1. 15 മിനിറ്റ് സൂര്യപ്രകാശമേറ്റ് ദിവസം തുടങ്ങുക
രാവിലെ സൂര്യപ്രകാശം ഏല്‍ക്കുന്നത് ശരീരത്തിലെ സർക്കാഡിയൻ താളം നിയന്ത്രിക്കാൻ സഹായിക്കുന്നു, ഇത് കോർട്ടിസോളിന്റെ ഉല്‍പാദനത്തിന് സഹായിക്കുന്നു. രാവിലെ കുറഞ്ഞത് 15 മിനിറ്റെങ്കിലും സൂര്യപ്രകാശം ഏല്‍ക്കാൻ ശ്രമിക്കുക.
2. ദിവസം മുഴുവൻ ജലാംശം നിലനിർത്തുക
വിയർപ്പും ശരീര താപനിലയും നിയന്ത്രിക്കുന്നത് ഉള്‍പ്പെടെ ശരീരത്തിന്റെ പ്രവർത്തനങ്ങള്‍ക്ക് ആവശ്യത്തിന് വെള്ളം കുടിക്കേണ്ടത് അത്യാവശ്യമാണ്. നിർജലീകരണം ശരീര ദുർഗന്ധം വർധിപ്പിക്കുന്നതിന് കാരണമാകും. അതിനാല്‍, ജലാംശം നിലനിർത്തുന്നതിനും ദുർഗന്ധം കുറയ്ക്കുന്നതിനും ദിവസം മുഴുവൻ ആവശ്യത്തിന് വെള്ളം കുടിക്കുന്നത് ഉറപ്പാക്കുക.
3. ആരോഗ്യകരമായ കൊഴുപ്പുകള്‍ ഉപയോഗിച്ച്‌ ദിവസം ആരംഭിക്കുക
കുതിർത്ത ബദാം, വാല്‍നട്ട് പോലുള്ള ആരോഗ്യകരമായ കൊഴുപ്പുകള്‍ കഴിക്കുന്നത് കോർട്ടിസോള്‍ അളവ് ഉള്‍പ്പെടെയുള്ള ഹോർമോണ്‍ നിയന്ത്രണത്തെ സഹായിക്കും. ഇവ ശരീരത്തിന്റെ പ്രവർത്തനങ്ങള്‍ മികച്ച രീതിയില്‍ ഉറപ്പാക്കുകയും ഹോർമോണുകളുടെ അസന്തുലിതാവസ്ഥയില്‍ നിന്ന് ഉണ്ടാകുന്ന ദുർഗന്ധം തടയുകയും ചെയ്യുന്നു.
4. ഭക്ഷണത്തിന് മുമ്ബ് ആഴത്തിലുള്ള ശ്വസനം പരിശീലിക്കുക
ഭക്ഷണത്തിന് മുമ്ബ് 3-4 റൗണ്ട് ആഴത്തിലുള്ള ശ്വസന വ്യായാമങ്ങള്‍ ചെയ്യുന്നത് കോർട്ടിസോളിന്റെ അളവ് കുറയ്ക്കുന്നു. ആഴത്തിലുള്ള ശ്വസനം വിയർപ്പിനും ശരീര ദുർഗന്ധത്തിനും കാരണമാകുന്ന സമ്മർദ്ദ ഹോർമോണുകളുടെ ഉത്പാദനം തടയുന്നു.
5. വൈകുന്നേരം ചമോമൈല്‍ ചായ കുടിക്കുക
ചമോമൈല്‍ ചായ സമ്മർദ്ദം കുറയ്ക്കാനും കോർട്ടിസോളിന്റെ അളവ് കുറയ്ക്കാനും സഹായിക്കും, പ്രത്യേകിച്ച്‌ വൈകുന്നേരം കുടിക്കുന്നത്.
6. മഗ്നീഷ്യം അടങ്ങിയ ഭക്ഷണങ്ങള്‍ കഴിക്കുക
കോർട്ടിസോളിനെ നിയന്ത്രിക്കാൻ സഹായിക്കുന്ന ഒരു ധാതുവാണ് മഗ്നീഷ്യം. വാഴപ്പഴം, പംപ്കിൻ സീഡ്സ്, ബദാം തുടങ്ങിയ ഭക്ഷണങ്ങളില്‍ മഗ്നീഷ്യം ധാരാളം അടങ്ങിയിട്ടുണ്ട്. ഈ ഭക്ഷണങ്ങള്‍ കഴിക്കുന്നത് സമ്മർദ്ദം കുറയ്ക്കാനും ശരീര ദുർഗന്ധം കുറയ്ക്കാനും സഹായിക്കും.
7. ദിവസവും 7-8 മണിക്കൂർ ഉറങ്ങുക
കോർട്ടിസോളിന്റെ അളവ് നിയന്ത്രിക്കുന്നതിനുള്ള ഏറ്റവും ഫലപ്രദമായ മാർഗങ്ങളിലൊന്നാണ് ഉറക്കം. ഉറക്കക്കുറവ് കോർട്ടിസോള്‍ ഉല്‍പാദനം വർധിപ്പിക്കും. എല്ലാ രാത്രിയും 7-8 മണിക്കൂർ ഉറങ്ങാൻ ശ്രമിക്കുക.
8. കഫീനും പഞ്ചസാര അടങ്ങിയ ഭക്ഷണങ്ങളും ഒഴിവാക്കുക
കഫീനും പഞ്ചസാര അടങ്ങിയ ഭക്ഷണങ്ങളും പെട്ടെന്ന് ഊർജം നല്‍കുമെങ്കിലും, അവ വലിയ അളവില്‍ കോർട്ടിസോളിന്റെ ഉത്പാദനത്തിന് കാരണമാകും. പ്രോസസ്ഡ് ഷുഗറും അമിതമായ കഫീനും ഒഴിവാക്കുക.
ശ്രദ്ധിക്കുക : അറിവിനെ ജനകീയമാക്കുക എന്ന ലക്ഷ്യം മാത്രമാണ് ഈ പോസ്റ്റിന് ഉള്ളത്.രോഗനിർണ്ണയത്തിനും ചികിത്സയ്ക്കും പകരമാകാൻ ഉദ്ദേശിച്ചുള്ളതല്ല, കൃതഹസ്തരായ ചികിത്സകരുടെ ഉപദേശപ്രകാരം മാത്രം ഔഷധങ്ങൾ ഉപയോഗിക്കുക. കൂടുതൽ പഠനം നടത്തി നല്ലത് മാത്രം സ്വീകരിക്കുക.ആരോഗ്യവിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയശേഷം മാത്രം ആഹാരക്രമത്തില്‍ മാറ്റം വരുത്തുക.
